Хәрби дан айлыгы кысаларында 1-6, 7-11 класс укучылары арасында  Шорт- трек буенча ярышлар узды. Ярышлар бик җанлы үтте. Һәр төркемдә кызлар  һәм малайлар арасында җиңүчеләр билгеләнде, аларга грамоталар тапшырылды. Киләчәктә дә укучыларыбызга спортта зур уңышлар теләп калабыз.

18нче февраль көнне башлангыч класс укучылары туган көне уңаеннан Герой шагыйрь М.Җәлилне искә алу кичәсе үткәрделәр. Аның тормыш юлын, балалар өчен язган шигырьләрен сәнгатьле укыдылар һәм сәхнәләштерделәр, җырларын башкардылар. Батыр, Ватанга тугърылыклы милләттәшебезне беркайчан да онытмыйк!

11.02.2019-16.02.2019 көннәрендә мәктәбебездә тарих һәм җәмгыять белеме атналыгы булып узды. Укучыларыбыз Наласа музеена экскурсия ясадылар, җәмгыять белеме буенча интеллектуаль уенда катнаштылар,Сталинград сугышында җиңүгә 76 еллык уңаеннан документаль фильм карадылар,“Шәҗәрәләр- нәсел агачы” шәҗәрәләр конкурсында катнаштылар, армия сафларында хезмәт итүче егетләребезгә хат яздылар. (Хасанова А.М., Мифтахова Л.Р.)

       М. Җәлил... бу исем һәр татар кешесенә, һәр мәктәп баласына яхшы таныш. Ул халык йөрәгендә Ватанга тугрылык, үлемсезлек, батырлык һәм каһарманлык символына әверелде. Советлар Союзы герое, Ленин премиясе лауреаты М. Җәлилнең исеме бөтен планетабызга билгеле.

       Бүген Бөек шагыйрьнең туган көне уңаеннан мәктәбебездә төрле чаралар үткәрелде: аның шигырьләренә рәсемнәр ясалды, күргәзмә оештырылды, тормыш юлы һәм иҗаты буенча тәрбия сәгатьләре үтте.

Бүген мәктәбебездә "Тирәнәя һаман яралар..." исеме астында Афганстанда хезмәт иткән авылдашларыбыз белән очрашу кичәсе булды. (кичәне әзерләде: тарих укытучысы Хасанова А.М.)

13 нче февраль көнне 9 нчы сыйныф укучыларының рус теле буенча йомгаклау әңгәмәсе булды. Әлеге әңгәмә нәтиҗәләре буенча алар төп дәүләт имтиханнарына кертеләчәкләр.

Ашытбаш мәктәбендә 9 нчы февраль көнне көрәш ярышы узды.Бәйгедә 3 сыйныф укучысы Мөхетдинов Әнгам 2 нче урынга, 5 сыйныф укучысы Төхфәтуллин Әмир 3 нче урынга, 5 сыйныф укучысы Вәлиев Илфар 4 нче урынга лаек булдылар (тренерлары Лутфуллин Таһир Әхмәтович) Молодцы!

8 нче февраль көнне класс җитәкчеләре һәм педагог - организаторлар арасында зона конкурсы туры үтте.6 мәктәп катнашты. Укытучылар тәрбия дәресләр күрсәттеләр. 2,5,6 нчы сыйныф укучылары дәресләрдә бик актив катнаштылар.

Буген мәктәбебездә "ФОРПОСТ" оешуның 20 еллыгына багышланган зона ярышы булып узды. Районның 7 мәктәбе ( Урта гомуми белем мәктәпләре: Арчаның 6 нчы номерлы, Наласа, Иске Чүриле; Төп мәктәпләр: Түбән-Аты, Утар-Аты,Кушлавыч,Кәче) 7 төрле конкурста көч сынаштылар. Барлык укучыларыбыз да физик , акыл якларыннан бик көчле булуларын күрсәттеләр. Нәтиҗә: Iурын - Арча 6нчы номерлы урта гомуми белем мәктәбе,II урын- Иске Чүиле урта мәктәбе,IIIурын- Наласа урта мәктәбе, IVурын-Кәче төп мәктәбе, Vурын-Утар-Аты төп мәктәбе, VIурын -Түбән Аты төп мәктәбе, VIIурын-Кушлавыч төп мәктәбе. I нче һәм II нче урын алган командаларыбыз финал ярышларында көч сынашачаклар. Аларга уңышлар теләп калабыз!