Ленинград блокадасын өзү көненең 75 еллыгы уңаеннан авыл китапханәсендә чара үткәрелде. Анда безнең беренче сыйныф укучылары һәм аларның сыйныф җитәкчеләре Исмәгыйлева М.М. катнашты.

     Бу араларда булган бураннар бөтен җирне кар белән тутырды. Мәктәбебез тимурчылары ялгыз әби-бабайләрга ярдәмгә ашыктылар: аларның ишегаллары, капка төпләре кардан арчылды. Укучылар шулай ук чишмә яннарын да чистарттылар. 

   Район күләмендә үткәрелгән иң яхшы бизнес идея һәм проектлар конкурсының  “Иң яхшы туристик проект” номинациясендә 8 нче сыйныф укучысы Вахитова Лилия җиңү яулады.(Җитәкчесе –Габдрахманова Г.В.)

Бүген укучылар,  укытучылар һәм әти-әниләр  бергәләшеп чаңгы шудык.

Бүген мәктәбебезнең боз мәйданчыгында авыл беренчелегенә хоккей ярышы үткәрелде. 

   Яңа ел яллары күңелле һәм файдалы үтә. Бүген мәктәптә Наласада авыл җирлеге башлыгы призына  традицион волейбол турниры узды. Барысы 6 команда үзара көч сынашты. Ярышта мәктәбебез укучылары һәм укытучылары  бик актив катнаштылар.

Бүген  мәктәбебездә 2 нче  чирек  нәтиҗәләре  буенча  ата-аналар  җыелышы  үткәрелде. Җыелышта Зарипова Р.Ф. "Бала  психологиясе  буенча  чыгыш  ясады. Укыту  эшләре  буенча директор  урынбасары  Мифтахова  Л.Р. олимпиадалар, административ  контроль эш  нәтиҗәләре  белән  таныштырды.Тәрбия  эшләре  буенча  директор  урынбасары  Хәсәнова  А.М.  класстан  тыш  чаралар, төрле  конкурслар  нәтиҗәләре  белән  таныштырды.  Җыелышта  участок  инспекторы  Зөбәеров  И.И., балигъ  булмаганнар  эше  буенча  хезмәткәр  Энҗе Фәнисовна да  катнашты.