Бүген башлангыч сыйныф укучылары Туфан Миңнуллинның "Әлдермештән Әлмәндәр" пьесасын карадылар.

Туган тел дип әйтүгә  Г. Тукай язган шигырь юллары искә төшә:

И туган тел, и матур тел,

Әткәм, әнкәмнең теле! Дөньяда күп нәрсә белдем

Син туган тел аркылы.

Безнең туган татар телебез чынлап та бик матур. Ул безнең өчен әткәбез-әнкәбез кебек үк якын. Туган телен югалткан милләтнең киләчәге юк дип уйлыйбыз без. Үз телен яхшы белгән кеше генә милләте белән горурлана, аның кадерен белә.

Укучыларны үз телендә аралаштыру, туган телне ярату тәрбияләү максатыннан  20 ноябрьдән  25 ноябрьгә кадәр бездә Татар теле атналыгы игълан ителде. Атна буе күп төрле эшләр башкарылды. Бүген атналыкны йомгаклап төркемнәр арасында "Тамчы шоу" интеллектуаль уены уздырылды.  Укучылар үзләренең тапкырлыкта, зирәклектә көчләрен сынадылар, үзләренең белемнәренең сыйфатын тикшерделәр.

Мәктәбебездә психология атналыгы бара. Атналык кысаларында 7нче сыйныф укучылары белән "Нәрсә ул шатлык?" дип исемләнгән акция үткәрелде. Укучыларның һәркайсы үзенчә "психология", "шатлык" атамасын ачыкладылар, үзара мөнәсәбәт кагыйдәләрен билгеләделәр, әлеге темага ясалган стенд буенча фикер алыштылар, үз фикерләрен язып та куйдылар.

Әни! Нинди назлы, нинди кадерле сүз. Бүген мәктәбебездә "Әниләр көне" нә багышланган бәйрәм чарасы булып үтте. Башлангыч класс укытучылары әниләргә матур бәйрәм чарасы әзерләсә, укучылар үз куллары белән матур бүләкләр ясап әниләрен сөендерделәр.

Әкиятләр – ул халык иҗатының бик борынгы төре. Гасырлар буе телдән-телгә күчеп килгәнлектән, халык аларны тыңлау, мавыктыргыч итеп сөйләү өчен уңай бер формага салган. Әкиятләрнең теле гади, аңлаешлы, образлы әйтелмәләргә бай була. Гомумән, әкият – ул бөек могҗиза. Милли телләрне камилләштерүдә, балаларның рухын баетуда, кешеләрне танып-белүдә әкиятләрнең роле гаять зур. Әкият уйландыра, гыйбрәтләндерә, миһербанлыкка, батырлыкка чакыра. Шушы максатлардан бүген без укучылар белән татар халык әкиятләрен искә төшердек. Укучылар үзләре яраткан әкият геройларын рәсемгә төшерделәр. Шул рәсемгә туры килгән өлешен сөйләп тә күрсәттеләр. Үзара аралашып, фикерләшеп эшләгән эшләренең нәтиҗәсен күреп сөенделәр.

"Туган телем - иркә гөлем" атналыгы кысаларында, бүген укучылар белән шигъри кичә үткәрелде.

"Туган телем - иркә гөлем" атналыгын дәвам итәбез. Бүген укучылар халкыбызның милли бизәкләре, киемнәре, тормыш-көнкүреше белән таныштылар. Укытучылар Йосыпова Р.К., Низаметдинова С.И. укучыларны мәктәп музеена алып керделәр.

В рамках Всероссийского профориентационного проекта "Билет в  будущее" учащиеся 8-9 классов  побывали в  Арском педагогическом колледже имени Г. Тукая на профессиональных пробах. Первая группа осваивала профессию эколога. У них была возможность проверить различные  методики тестирования, узнать больше об экологии. С помощью специалиста, который проводил мастер-класс, провели эксперименты исследования ph проб воды и микробиологический анализ воды. Вторая группа учащихся побывала на мастер-классе "Современные педагогические профессии". Они познакомились с приемами и методами работы современного педагога. Монтаж видеоролика  показали третьей группе учащихся. Учителя и учащиеся школы выражают благодарность администрации и педагогам Арского педагогического колледжа за теплый прием и организацию интересной, познавательной профессиональной пробы!

Бүген "Мөһим әңгәмә" дәресендә 3 нче класс укучылары белән "Гаилә мөнәсәбәтләре, әниләрнең кадере" дигән темага класс сәгате үткәрелде.

Мәктәбебездә ноябрь аена "Туган телем-иркә гөлем"  атналыгы башланып китте. Укытучылар Йосыпова Р.К., Низаметдинова С.И. укучыларны  атналык план белән  таныштырдылар.