5 март көнне  оештыручы-педагог Ракова Ф.Т.  "Ягез әле, кызлар!" дип аталган бәйге оештырды.  Бәйгедә 5-7 сыйныф кызлары ике командага бүленеп үзара көч сынаштылар.

6 март көнне башлангыч сыйныф укытучылары Гайнетдинова Н.Г., Сабирова Р.Г. һәм Хәйретдинова В.Р.  "Гаилә бәйрәме" үткәрделәр. Бәйрәмгә башлангыыч сыйныф укучыларының әти-әниләре, әбиләре чакырылган иде.  Бәйрәм Харисов Р.Р. җитәкчелегендә курайчылар ансамбле чыгышы белән башланып китте. Бәйрәм бик күңелле үтте. Укучылар әти-әниләренә, әбиләренә үз куллары белән эшләгән бик матур бүләкләр тапшырдылар.

Физика фәне белән кызыксынучы укучылар Казан шәһәрендәге "Кызыклы фән һәм техника йорт"ында булып кайттылар. Андагы экспозицияләр, кызыклы тәҗрибәләр укучыларда зур кызыксыну уятты.

Югары Мәтәскә башлангыч мәктәбендә кадерле әниләр, әбиләр хөрмәтенә бәйрәм үткәрелде. Башта ярминкә үткәрелде. Аннары укучылар үзләренең җыр-биюгә осталыкларын күрсәттеләр, үз куллары белән ясаган бүләкләрне тапшырдылар.

2 нче класс укучылары Гарипов Хәлимнең гаилә фермасына дәрес-экскурсия оештырдылар. 

28 нче февраль көнне Арчаның 2 нче номерлы  мәктәбендә  “Ел укытучысы-2014” конкурсының  2 этабы үтте . Химия-биология укытучысы Мәннанова Лилия Равил кызы 3 нче урынга лаек булды. Хезмәттәшебезне бу җиңүе белән котлыйбыз! Аңа зона ярышында зур уңышлар телибез!

28 нче февраль көнне Зиннәтуллина Рузилә, Шиһабиева Энҗе, Сафина Зилә, Хәбибуллина Әдилә Яшел Үзән шәһәрендә Каюм Насыйри исемендәге XII яшүсмерләр фәнни-тикшеренү укуларының төбәкара этабында чыгыш ясап, актив катнашканнары өчен Татарстан Республикасы мәгариф һәм фән министрлыгының грамотасы белән бүләкләнделәр.

26 нчы февраль көнне мәктәп укучылары өчен “Борцу не больно” исемле кинофильм күрсәтелде. 

В связи с трагическими событиями в г.Москве, в результате которых были взяты в заложники школьники и погибли сотрудник полиции и учитель географии, в нашей школе проведён дополнительный внеплановый  инструктаж и организована разъяснительная работа среди педагогов, обучающихся и их родителей.

20 февраль көнне Әтнә районы Комыргуҗа урта мәктәбендә Шиһабетдин Мәрҗани исемендәге гомумреспублика фәнни – гамәли конференция узды. Һәр елны уза торган әлеге мөһим чараны Әтнә районы мәгариф бүлеге һәм мәгълүмати-методик үзәк оештырды.

Бу  конференция эшендә укучылар, укытучылар, Казаннан галимнәр, мәгариф министрлыгы һәм Бөтендөнья татар конгрессы Башкарма комитеты вәкилләре дә катнаштылар. 
 Безнең мәктәптән шул конференция эшендә 8нче сыйныф укучысы Шиһабиева Энҗе (фәнни җитәкчесе Гаффарова Дамира Вакил кыз) катнашып, икенче урын яулады.