Гражданлык-патриотик тәрбия айлыгы кысаларында  мәктәптә 2 нче февраль көнне "Сталинград янында җиңүгә 75 ел" тулу уңаеннан батырлык дәресе үткәрелде.  Тарих укытучысы Сабирзянова Г.Р. бу датаның сугышчан дан көннәре исәбенә  керүен, аның әһәмиятен аңлатты. Шул көннәрдә төшерелгән документаль кадрлар каралды. Укучылар якташыбыз Советлар Союзы Герое Гани Сафиуллинның сугышчан юлы турында мәгълүмат алдылар, Сталинград сугышында күрсәткән батырлыкарын искә төшерделәр. 9 нчы класс укучылары Геройның музей йортында булдылар. 

2 нче класс укучылары яңа килгән балалар өчен журналлар белән даими танышып баралар.

27 нче  январь Россиядә Хәрби Дан көне буларак билгеләп үтелә. Бу Ленинград блокадасын тулысынча өзгән көн. Бүген мәктәптә әлеге истәлекле датага багышланган тәрбия сәгате у узды. Тарих укытучысы Г.Р.Сабирзянова  балаларга Ленинград блокадасы турында сөйләде һәм әлеге куркыныч хәлләр турында кино күрсәтелде.

25 нче январь көнне классларда "Дуслык дәресе" узды. Укучыларга класс җитәкчеләре   "дуслык" сүзе мәгънәсенең тирәнлеген, купкырлылыгын аңлаттылар. Бергәләп дуслык турында кыска хикәяләр укып анализладылар, дуслык турында мәкальләр укыдылар.

Бүген, ягъни 24 нче гыйнвар көнне, 7 класста технологиядән  “Тукымага рәсем ясау” темасына ачык дәрес үткәрелде. Дәрестә укучылар батик ясау технологиясен, аның төрләре белән таныштылыар. Тукымага төрле әкият геройларын төшереп, аларны дөрес итеп буярга өйрәнделәр. ФГОС  таләпләре буенча үткәрелгән дәрес укучыларга бик ошады.

22 нче гыйнвардан  мәктәп күләмендә “Технология һәм физкультура атналыгы” башланып китте. Дүшәмбе көнне укучылар атналык программа белән таныштылар. Технология кабинетына “Кул эшләре” күргәзмәсе булдырылды.

18 нче гыйнвар көнне Абакаров Д., Замалиева Р., Каримов И., Закирова Г., Сафин И. шорт-трек буенча зона ярышларында катныштылар. 9 нчы класс укучысы Сафин И. 2 урынга лаек булды. Уңышлары белән котлыйбыз!

Мәктәбебезнең тимурчылары  даими рәвештә өлкәннәргә ярдәм итеп торалар. Аларның эшеннән олыларыбыз бик канәгать, үзләренең чиксез рәхмәтләрен җиткереп торалар.

Укучыларыбыз каникулларны куңелле һәм файдалы үткәрәләр. Саф һавада төрле уеннар уйныйлар, чаңгы, чанада шуалар. Сәламәтлекне ныгыту һәм саклау өчен саф һавада булу бик мөһим. 

4нче гыйнвар көнне район күләмендә узган шашка ярышларында мәктәбебез командасы уңышлы уен күрсәтеп 2 урынга лаек булды. Шәхси беренчелектә 9 нчы класс укучылары Сабирзянов С. 2 урын, Гайфуллина Д. 3 урын алдылар. Тренерлары Минзянов Ф.М. Уңышлары белән котлыйбыз!