1-3 классларда "Мин китаплар яратам" темасы астында класс сәгате уздырылды. Класс сәгатенә авыл китапханәчесе Надия Ризвановна килде. Ул укучыларны китапханәдәге яңа китаплар белән таныштырды. Яңа китаплардагы кайбер кызыклы әсәрләрне укыды. Балалар китаплар белән кызыксындылар, укыр өчен китапларны яздырып өйләренә дә алдылар.

15 октябрь -Татар халкы өчен Хәтер көне. Шул уңайдан тарих укытучысы Сабирҗанова Г.Р. әлеге датаның тарихи әһәмияте турында сөйләде. Тарихи шәхесләр турында белешмә бирелде. 

10 октябрь көнне 2,3 нче сыйныф укучылары көзге табигатькә экскурсиягә чыктылар. Табигатьтәге үзгәрешләр белән таныштылар.

Мәктәбебез укучылары математикадан олимпиадада бик актив катнашалар. Аларга уңышлар телибез.

Мәктәбебездә "Бер күрешү - бер гомер" исеме астында Өлкәннәр һәм Укытучылар көненә багышланган бәйрәм кичәсе үтте. 8 нче класс укучылары Габдрахманова Н.Ш. җитәкчелегендә эчтәлекле концерт программасы күрсәттеләр. Ветеран укытучылар һәм хезмәткәрләр укучыларга, мәктәп коллективына изге теләкләрен, рәхмәтләрен җиткерделәр. 

1-3 классларда "Терроризмга -юк!" темасы астында тәрбия сәгате үтте. Укучыларга террористларның кем булулары, терроризмның куркыныч фактлары аңлатылды.

Респукблика күләмендә куркынычсызлык айлыгы бара. Айлык кысыларында мәктәп күләмендә төрле чаралар үтә. Куркынычсызлык нигезләре укытучысы Галимзянова Л.Б. куркынычсызлык дәресе үткәрде. 

1 октябрь - Өлкәннәр көне. Шушы уңайдан мәктәбебезнең волонтерлар отряды ветеран укытучыларыбызны, хезмәткәрләребезне, тыл ветераннарын һәм сугыш чоры балаларын бәйрәм белән котладылар. Өйләрендә булдылар, йорт эшләрендә булыштылар. 

"Сугыш чоры балалары" проеты кысаларында Куликово сугышы турында викторина үткәрелде. Тарих укытучысы Сабирзянова Г.Р. әлеге дата турында тулы информация җиткерде. Укучылар сорауларга тулы җавап бирделәр.

9 нчы класс укучылары имтиханнарга әзерлек  башладылар. Мәктәптә математикадан сынау эшләре  башкардылар. Алда булачак имтиханнарда аларга уңышлар телик.