13 гыйнвар көнне ЮИД отряды мәктәп укучыларында яктылык кайтаручы элементларның булуын тикшерү максатыннан рейд үткәрде. Рейд ярдәмендә башлангыч сыйныф укучыларының күбесенең өске киемдәге яки рюкзаклардагы яктылык кайтаргыч элементлар булуы ачыкланды.

11гыйнвар көнне Россиядә тыюлыклар һәм милли парклар көне буларак билгеләп үтелә. Шул уңайдан Туфан Миңнуллин исемендәге Яна Кенэр китапханэсе хезмәткәрләре югары сыйныф укучылары белән әдәби-экологик круиз уздырдылар.

Каникуллар дәвам итә .9 класс укучылары математикадан консультациядә

Каникуллар дәвам итә.Укучылар ялларын күңелле итеп уздыралар.Чаңгы-чына шуалар.

Каникуллар дәвам итә .Яллар күңелле утә. 5 класс укучылары чаңгы шудылар.

Кадерле дуслар!

Сезне Яңа ел белән котлыйбыз.Алдагы өр-яңа ел бары бәхет-куанычлар гына алып килсен. Туасы таңнар тыныч булсын. Гомер юлларыбыз шатлык белән тулып торсын һәрчак. Кызыклы очрашулар, бәхетле мизгелләр күп булсын! Эшләребездә уңышлар юлдаш булсын, күңелләребездәге мәрхәмәтлелек бар җиһанны яктыртсын. Йортларыбызга авырулар, хәвеф-хәтәрләр, бәла-казалар килмәсен. Гаиләләребездә бәхет уты һәрвакыт сүнмичә янып торсын! Яңа ел белән сезне, киләсе еллар бәхет китерүче еллардан булсын
 

2022 елда Яңа Кенәр мәктәбе " Мәктәптә футбол»федераль программасында катнашты. Нәтиҗәдә, безнең мәктәпкә 51 мең сумлык спорт инвентаре кайтты. Проектны Россия футбол берлеге һәм мәгариф министрлыгы оештыра

Яңа ел! Бу сүзләрне ишетүгә безнең күз алдыбызга хуш исле зифа чыршы, ап-ак кар бөртекләре, җемелдәвек сихри утлар, уен-көлке, җыр-бию, Кыш бабай һәм Кар кызы килеп баса. 26 декабрь көнне башлангыч сыйныф укучыларының "Яңа ел" бәйрәме булып узды. Укучыларыбызны котларга диеп урманнан Кыш бабай, Кар кызы һәм урман җәнлекләре дә килделәр. Балалар Кыш бабайга узләренең шигырьләрен сөйләделәр, матур җырлар җырладылар. Ә Кыш бабай исә аларга үзенең күчтәнәчләрен, бүләкләрен өләште. Бәйрәм бик матур һәм үзенчәлекле булды. 

Арча мәдәният йортында район башлыгының Чыршы бәйрәме узды. Анда уку алдынгылары, иҗтимагый тормыш активистлары, олимпиадаларда җиңүчеләр, күп балалы гаиләләрдә тәрбияләнүче балалар, шулай ук матди хәле авыр булган гаиләләр катнашты. "Мәгариф идарәсе" , Укучылар сарае, сәнгать мәктәбе, мәдәният идарәсе, педагогика көллияте, волонтерлар оештырган Яңа ел чыршысы балаларга бик ошады. Яңа ел алдыннан булган традициягә бәйле рәвештә, район башлыгы Илшат Нуриев районның талантлы балалары белән очрашты. Бу чарада  безнең мәктәптән Хәйруллина Земфира, Гарифҗанова Амалия, Монасыйпов Адель, Мөхәммәтшина Лилия катнаштылар.

ИРО РТ уздырган методик эшәртмәләр конкурсында катнашып,башлангыч класс укытучысы Хафизова Г.Н. беренче урынны яулады.Аны чын күңелдән котлыйбыз .