Татар теле һәм әдәбияты укытучысы Шакирова Рания Җәүдәт кызы 9 б   сыйныф укучылары белән  татар әдәбятыннан ачык дәрес уздырды. Дәрес  укучылар белән исәнләшү, хәлләрен сорашудан башлады һәм  уңай психологик халәт тудырылды. Learningapps   программасы ярдәмендә укучыларга бирелгән өй эше тикшерелде. Укучылар Г.Тукайның иҗаты белән якыннан таныш икәнлекләрен күрсәттеләр.Укытучыга килгән смс юллама аша балалар өйрәнәчәк  теманы ачыкладылар.Дәрестә укучылар Г.Тукайның “Су анасы” әкияте белән таныштылар. Quizizz.com платформасында ярдәмендә  сүзлек белән эшләделәр. Әлеге программа таныш булмаган сүзләрнең әйтелешен һәм язылышын истә калдыру өчен бик уңайлы. Әкиятне укып чыккач, әкиятнең эчтәлеге буенча сорауларга җавап бирделәр.Әкияттәге вакыйгалар барышын дөрес тәртиптә урнаштырып, әкиятнең эчтәлеген тагын бер кат искә төшерделәр.

Дәрес азагында  Габдулла Тукайның “Су анасы” әкият-поэмасының тәрбияви әһәмиятен билгеләделәр.

Балалар барлык биремнәрне бик теләп, зур кызыксыну белән башкардылар.