Бөек шагыйребез Габдулла Туай тууына 136 ел.  Әгәр дөньяда бик аз яшәп тә, үзеннән соң тирән эз калдырып киткән язучылар турында сүз бара икән, аның берсе, һичшиксез, Габдулла Тукай. Аның шигырьләрен яттан белмәгән, моңлы җырларын җырламаган, тылсымлы әкиятләрен тыңламаган бала юктыр.Шагыйрьнең гомере бик кыска булса да, иҗат иткән әсәрләре – мәңгелек! Ул һәрвакыт безнең йөрәкләрдә.

  Безнең мәктәптә дә Габдулла Тукайның истәлегенә багышланган “Шигъри тәлгәшләр” дип исемләнгән шигырь бәйрәме үткәрелде. Кичәдә укучылар бөек шагыйребезнең шигырьләрен сөйләделәр. Бәйрәмебездә Габдулла Тукайның балалар өчен язган “Кәҗә белән Сарык”, “Су анасы”, “Шүрәле” әкиятләре геройлары безгә кунакка  килеп, шигырь дә сөйләп киттеләр. Шигырь кичәсе “Туган тел” җыры белән тәмамланды.