28 нче апрельдә 9 а, 9 б сыйныфлары белән класс җитәкчеләре Габдрахманова Н.Р. һәм Шакирова Г.Г. "Минем булачак һөнәрем"  темасына ачык сыйныф сәгате уздырдылар. Бу укучылар тиздән мәктәпне бетереп, олы тормыш юлына аяк басачаклар. Класс сәгате уздыруның максаты булып 9нчы сыйныф укучыларының киләчәк тормыш турындагы максат-хыялларын белү, зур тормышка аяк басарга әзерлекләрен тикшерү тора иде.

                Сыйныф сәгатендә төзүче, балта остасы, җыештыручы, игенче,пешекче, тегүче һ.б. һөнәрләргә багышланган төрле конкурслар уздырылды. Укучылар үзләренең белемнәрен, тормышка төпле карашларын күрсәттеләр.  Шулай ук имтихан бирәсе "Штукатур-маляр"  фәненнән терминнарны яхшы белүләре белән дә сокландырдылар. Укытучы өчен укучыларының тормышта үз юлларын табып, җәмгыятькә файдалы, яраткан һәм үзен тәэмин итәрлек эш белән шөгыльләнүләре зур бәхет. Укучылар без сезгә ышанабыз!