26 нчы апрель көнне мәктәптә  “Тукай әкиятләре сандыгы” дигән бәйге – уен үткәрелде. Бәйгедә 5а һәм 5б сыйныф укучылары көч сынашты. Тукай әкиятләре эчтәлеге нигезендә язылган бәйге сораулары укучыларны кабат Тукай геройлары белән  очраштырды, алар турында белемнәрне тирәнәйтте. Шүрәле белән Су анасы алып килгән сандыкны ачу, аның эчендәге әйберләргә бәйләп әкиятләрне искә төшерү бер яктан күңелле тамаша булса, икенче яктан укучыларның белемнәрен сынау да булды.   Шүрәле белән Су анасы балаларны уйнаттылар, җырлаттылар, шигырьләр сөйләттеләр. Бәйгедә катнашучылар үзләренең осталыкларын да, зирәк булуларын дә күрсәттеләр.  Ике команда да ахырдан дипломнар белән бүләкләнделәр. Әлеге уенны- бәйгене татар теле һәм әдәбияты укытучысы Вафин Ф.В. үзе язып, үзе үткәрде.