2018 елның 15 мартында, язгы мәрхәмәтлелек атналагы  кысаларында ,   мәктәбебез укучылары “Мәрхәмәтлелек үзәге” Яңа Кенәр социаль тернәкләндерү бүлекчәсендә ял итүчеләргә  “ Җан җылысы кирәк кешегә”  исемле әдәби музыкаль кичә күрсәттеләр. Бу чара шагыйрь, язучы, драматург Фәнис Яруллинның тормыш юлы һәм иҗатына багышланган иде. Шагыйрьнең искиткеч осталык белән язылган шигырьләре, аның сүзләренә язылган җырлар яңгырады. Укучылар Ф.Яруллинның “Хәзинә” әсәрләрен сәхнәләштерделәр.

Бу кичә олыларда  соклану хисләре уятты, тормышны, кешеләрне яратырга, көчле рухлы, кешелекле, шәфкатле булырга өндәде.Тамашачылар тын да алмый, һәр чыгышны көчле алкышларга күмеп карап утырдылар. Бу очрашу күңелләребездә җылы хисләр генә калдырды, күтәренке кәеф бүләк итте.