Азрак соңга калып булса да   мәктәбебездә татар халкының иң матур милли бәйрәмнәренең берсе булган “Нәүрүз” бәйрәме үткәрелде. 8 төркем балалары (тәрбияче Сабирова И. Т.) көче белән әзерләнгән, Нәүрүзбикәне каршылау күренеше күрсәтелде, укучылар төрле  уеннарда, кызыклы ярышларда  катнаштылар. Кашыкка йомырка салып йөгерү, капчык киеп йөгерү, аркан тартышу  кебек уеннар барыбызга да көч-куәт өстәде. Үткән елда булган ямьсез гадәтләр, авырулар бездән китсен дигән теләкләр белән Карачкы яндырдык. Тәмле Карга боткасы, белән сыйландык. Бәйрәм бик күңелле үтте.