Мәгариф хезмәткәрләре арасында мылтыктан ату һәм дартс буенча ярышлар  булып узды. Мәктәбебез хезмәткәрләре бу ярышта бик теләп катнашты. Һәр катнашкан хезмәткәр җиңүче булды. Котлыйбыз.

Бүгенге көндә МХО дә хезмәт итүче егетләребезгә ярдәм кулы сузу һәркайсыбызның изге бурычы. Егетләребез исән – сау булсыннар. Дөньялар тынычланып, гаиләләренә әйләнеп кайтуларын телибез

Мәктәп һәм балалар бакчасы коллективы  “Йомшак хат – 2025”  акциясенә кушылдык.

Татар халкының борынгыдан килгән күнне бизәкләп эшләү технологиясен беренчеләрдән булып безнең төбәк халкы җәелдереп җибәргән.Милли аяк киемнәре җитештерү һөнәренең бүгенге көндә дә онытылмавы күңелләрне шатландыра.

    Арча милли аяк киемнәре фабрикасында  озак еллар хезмәт куйган,әлеге эшнең чын остасына әверелгән Остаз Арчаның 2 нче номерлы урта гомуми белем мәктәбендә осталык дәресе үткәрде:күз явын алырдай бизәкләр чигү серләренә төшендерде.

            Мәктәбебезнең тырыш кызы Әхмәтвәлиева Азалия дә осталык дәресендә катнашып кайтты.Даны ерак кыйтгаларга барып җиткән зиннәтле аяк киемнәре җитештерү һөнәренең дәвамчыларына уңышлар телибез.

Арча үзәк китапханәсендә  _{"Пишут поэты победную песню,народную славу они обрели..."} темасы астында шигырь конкурсында мәктәбебез укучылары Ихсанова З., Шәмсетдинова З., Хәлиуллина Л. матур чыгыш ясап кайттылар. Укучыларны уңышлары белән котлыйбыз.

10 октябрьдән 12 октябрьгә кадәр Яр Чаллыда җәяүлеләр дистанцияләрендә спорт туризмы буенча Татарстан Республикасы Чемпионаты һәм Беренчелеге узды. Дистанция III класс җәяүлеләр бәйләме этабында мәктәбебез укучысы маликов Р. I  урын алды.  Котлыйбыз.

Бүген укучыларның яктылык кайтаргыч элементларын Яшь юл хәрәкәте отряды һәм Алдынгылар хәрәкәте вәкилләре тикшереп чыктылар. Тәрбия сәгатьләрендә һәрвакыт укучыларга яктырткыч элементларның ни өчен, кайчан һәм кая тагарга кирәклеге турында әйтелеп тора. Юлларда машиналар саны көннән-көн арту, аларның тизлеге югары булу сәбәпле җәяүлеләр, балалар катнашында аварияләр еш булып тора. Җәяүлеләр бигрәк тә тәүлекнең караңгы вакытында тапталып имгәнәләр, һәлак булалар. Яктылык кайтаргычларны киемгә алга да, артка һәм ян-якларга да беркетергә кирәк. Шулай иткәндә аны каршы килүче машинадан гына түгел, юлдаш транспорттан да күреп алып булачак. Яктылык кайтаргычлар киемнәребездә күбрәк булган саен транспорт чарасын йөртүче өчен аеруча әйбәт булуын укучыларыбыз онытмасыннар иде.

Өлкәннәр ункөнлеге уңаеннан 6 нчы сыйныф укучылары, Алдынгылар хәрәкәте һәм”Мөстәкыйль балалар»отряды вәкилләре  авылдашыбыз Хуҗиева Радия Фәйзелкәбир кызының хәлен белеп, бәйрәм белән котлап, кулдан эшләнгән бүләкләр тапшырып кайттылар. Радия апа балаларга изге теләкләрен җиткерде, тынычлыкның кадерен белеп тырышып укырга, матур итеп яшәргә инде диеп ,шатланып озатып калды.

Провели занятие «Разговоры о важном» на тему «Что такое уважение?» Уважение — это понимание безусловной ценности каждого человека: одноклассника, друга, учителя, членов семьи, окружающих нас людей. Это умение слушать и быть услышанным, признавать чужой труд и старания, способность сохранять личное достоинство и открытость. Уважение тесно связано с поступками, проявляется в свойствах и качествах человека

Укытучылар көне якынлашып килгәндә, мәктәбебезгә күңелле хәбәр килеп иреште.
    40 елга якын балаларга белем hәм тәрбия бирүче туган тел, әдәбият фәне укытучысы Хәмидуллина Зөлфия Ясәви кызы Татарстан Республикасы Мәгариф һәм фән министрлыгы тарафыннан "Мәгарифтәге казанашлары өчен күкрәк билгесе белэн бүләкләнде.
     Барлык укытучылар hәм укучылар коллективы исеменнэн хезмәттәшебезне уңышы белән котлыйбыз , киләчәктә дә саулык- сәламәтлек , тагын да зуррак нәтиҗәләргә ирешүен телибез.