Һәр ел саен  апрель аенда без татар халкының яраткан шагыйре Габдулла Тукайның туган көнен билгеләп үтәбез.

Г.Тукайның әкиятләре, шигырьләре кечкенәдән белем алырга, эш сөяргә, табигатьне яратырга һәм аны сакларга өнди. Тормыш  аңа бик күп мәшәкатьләр китерсә дә, аның туган авылына халкына, теленә хөрмәте зур булып кала. Шагыйрь Габдулла Тукай әдәбиятыбыз күгендә балкыган йолдызларның иң яктысы.

 Кызыклы Шәкерт

— Әйдәле, Акбай! Өйрән син, арт аягың берлә тор;
Аума, аума! Туп-туры тор, төз утыр, яхшы утыр!

— Ник газаплыйсың болай син, мин әле бик кечкенә;
Мин туганга тик ике айлап булыр йә өч кенә.

Юк, кирәкми, мин өйрәнмим, минем уйныйсым килә;
Шул болыннарда ятасым, шунда ауныйсым килә.

— Ах, җүләр маэмай! Тырыш яшьләй, зурайгач җайсыз ул:
Картаеп каткач буыннар — эш белү уңгайсыз ул!

Тема:    «ЗӘҢГӘР ТҮБӘЛЕ ӨЕБЕЗ».

Максат: Балаларга  табигать - безнең уртак өебез  булуын аңлату.

Бурычлар:

1.Балаларда әйләнә-тирә табигатькә ихтирам,  экологик культура   тәрбияләү;

2. Тере һәм тере булмаган табигатьне аерырга өйрәтү,сакчыллык, миһербанлылык сыйфатлары тәрбияләү;

Саклагыз җир тереклеген, 

Табигатен саклагыз! 

Җирдә яшисегез килсә 

Кануннарны ятлагыз!

Саклагыз җирнең язларын-

Чәчәкле бәйләмнәрен. 

Балан, шомырт, сиреннәрен –

Җирнең гөл бәйләмнәрен

Саклагыз болын өстендә 

Язда тургай тавышын, 

Чуер ташлы, көмеш чыңлы

Салкын чишмә агышын

Саклагыз кырмыска күчен. 

Төклетураның йортын. 

Чәчәкләрне назлап очкан 

Нечкә билле бал кортын

Арча үзәк  китапханәсендә узган”Радуга национальных культур” конкурсында катнашып Сибгатуллина Ләйсән 3 нче урынга лаек булды. Ләйсәнне чын күңелдән котлыйбыз.Киләчәктә дә зур уңышлар юлдаш булсын)))

“Йолдызлар белән сөйләшеп...”, Ю. Гагаринга, Рәшит Гәрәй.    

Кешелек бу батырлыкны

Һич чыгармас исеннән:

Зәп-зәңгәр булып күренгән

Материклар өстеннән,

Өстеннән чиксез суларның

Сәламнәр юллый-юллый,

Галәмдә очып йөрде ул

Һәм кайтты җырлый-җырлый.