Космонавтика көненә багышланган класс сәгатьләрендә укучылар космос үсеше тарихы белән таныштылар, беренче космонавт Юрий Гагарин биографиясеннән кызыклы һәм яңа мәгълүматләр белделәр.
Космонавтика көненә багышланган рәсем конкурсы үткәрелде.

12 апрельдә бөтен дөнья кешенең космоска беренче очышына багышланган истәлекле дата- «Космонавтика көне»н билгеләп үтә. Әлеге истәлекле дата уңаеннан мәктәбебездә космонавтика көненә багышланган чаралар үткәрелә.  Чараның максаты – укучыларның космонавтика, аның нигезләүчеләре, космоска беренче пилотлы очыш турында белемнәрен киңәйтү һәм ныгыту, Ватаныбыз-космос державасы өчен горурлык хисләре тәрбияләү

Арчаның икенче номерлы мәктәбендә инглиз теленнән "My native land:people, events, facts" дип аталган фәнни-практик конференциядә 7 класс укучысы Ахмадуллин Рөстәм 2 урынга лаек булды (җитәкчесе Хәмидуллина Г.Р.). Рөстәмне беренче бу өлкәдәге зур уңышы белән котлыйбыз, киләчәктә тагын да зуррак үрләр яулавын телибез!

Бүген башлангыч сыйныф укучылары үзләренең проект эшләрен тәкъдим итте. Фестиваль темаларның куптөрлелеге белән шаккатырды. Авыл хуҗалыгы, саннар турында, дару үләннәре, һөнәр, спорт, гаилә һ.б темалар белән бәйле эшләр тәкъдим ителде. Укучылар зур кызыксыну һәм җаваплылык белән проект эшләрен башкарды, якладылар һәм сорауларга җавап биреп, белемнәренең ныклыгын расладылар.

Без чүп-чарны аерып җыю яклы! Бу очракта шактый файдалы эшләр эшләргә мөмкин. Әйтик, пластик шешә капкачлары. Аерым җыйган очракта, капкачлар турыдан-туры эшкәртүгә китә. Чөнки алар пластик шешә белән бергә түгел, аерым эшкәртелә. Шулай итеп, без тирә-якны чистартуга үз өлешебезне кертү белән бергә, пластик капкач эшкәртү процессын да тизләтәбез.

Сейчас мы собрали крышки от пластиковых бутылок. Ручная сортировка и очистка делают это сырье очень ценным, позволяя передать сразу на переработку, минуя промежуточные этапы

Башлангыч сыйныфларда экология темасына класс сәгате узды.Укучылар көнкүреш калдыкларын җыю, төрләргә аеру һәм икенче чимал буларак куллану турында фикер алыштылар.

9 апрель көнне Габдулла Тукай исемендәге Арча педагогика көллиятендә "Фән һәм без" дип аталган XVII фәнни-практик конференция үтте. 8 класс укучысы Әхмәтҗанова Камилә әлеге конференциядә чыгыш ясап, 2 нче дәрәҗә диплом белән бүләкләнде (укытучысы Хәйретдинова Р. Т.). Киләчәктә дә уңышлар сиңа, Камилә/

«Татар сүзе» Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татарстан – Яңа Гасыр» телерадиокомпаниясе тарафыннан оештырыла һәм телевизион проект буларак тормышка ашырыла.

Дуртенче Халыкара нәфис сүз телевизион бәйгесендә катнашкан укучыларыбызны котлыйбыз. Җитәкчеләре Гөлшат Сәйфелхановна.

Район буенча уздырылган ГТО ярышларында катнашкан укучыбыз Хәмидуллина Айгизәне уңышлары белән котлыйбыз!

Бүген, 8 апрельдә, «Мөһим сөйләшүләр» циклы кысаларында үткәрелә торган дәресләр Космонавтика көненә багышланды. Темасы: "Мин Җирне күрәм! Ул бик матур!" Дәреснең максаты: укучыларны Ю.А. Гагарин тормышы белән таныштыру, Россиянең космос тармагындагы казанышлары турында күзаллаулар формалаштыру, укучыларда космос белән бәйле һөнәрләргә кызыксынуны арттыру, патриотизм һәм горурлык хисләре тәрбияләү.