15 нче февраль көнне герой-шагыйрь Муса Җәлилгә багышланган кичә булды. Укучылар аның тормышы һәм иҗаты белән таныштылар, шигырьләрен укыдылар.

9 класс укучылары Гафетдинова Гөлүсә һәм Хәйретдинова  Зәринә Казан федераль университеты  тарафыннан үткәрелгән татар теле буенча регионара олимпиаданың йомгаклау турында катнаштылар. Хәйретдинова Зәринә  III урынга лаек булды. Киләчәктә кызларга тагын да зуррак  уңышлар телибез!

Герой-шагыйрь Муса Җәлилнең 110 еллык юбилеена багышлап, мәктәп китапханәчесе Нуриева Т.Г. тарафыннан  китап күргәзмәсе оештырылды.

11 февраль көнне Хәсәншәех мәдәният йортында "Батырлык дәресе" үтте. Чараны оештыручылар 1 - 4 сыйныф укучылары һәм аларның укытучылары. Кунак буларак башлангыч сыйныф укучыларының әтиләре чакырылган иде. Балалар бик матур, эчтәлекле концерт күрсәттеләр. Ә әтиләр "Башваткыч" уенында көч сынашты. Чара бик матур булды, барыгызга да зур рәхмәт!

Бүген  Арча шәһәрендә "Парклар һәм скверлар елы"на багышланган КВН ярышларының финал уеннары  узды. Анда зона ярышларында җиңеп чыккак иң көчле 6 команда катнашты. Безнең мәктәпнең "Авария" командасы барлык көндәшләрен дә артта калдырып Гран-прига лаек булды.  Молодцы!! Котлыйбыз!!!

Патриотик айлык барышында укучыларыбыз төрле чараларга актив әзерлек алып баралар. Алда КВН һәм "Аҗаган".

7 февраль халыкара спорт көне. Шушы уңайдан бу көнне укучылар белән күмәк тау шуулар, хоккей уеннары үтте.

Бүген патриотик айлык кысаларында 5-9 класс укучылары арасында чаңгы ярышлары булып узды. Укучылар ярышка теләа катнаштылар. Ярыш нәтиҗәләре белән алдагы көннәрдә таныштырырбыз.

1-4 класс укучылары  арасында чаңгыда узышу буенча ярышлар узды. Ярышлар 1-2 класслар, 3-4  класслар арасында үткәрелде. Ярышларда  барлык укучылар да катнашты.