“Георгиевская ленточка”  бөтенроссия акциясенә безнең мәктәп укучылары һәм укытучылары да кушылды. Алар һәрберсе георгий ленталарын тагып, акциягә карата  үзләренең мөнәсәбәтләрен күрсәттеләр. “Обелиск” акциясенә кушылып, авылыбыздагы обелиск тирәсен тагын бер кабат чистартып чыктылар. Бүген “Мәрхәмәтле Татарстан” һәм “Спортчыл Татарстан “ акцияләренә йомгак ясалды. Иң актив укучыларга рәхмәт белдерелде.

Бу көнне мәдәният йорты гөрләп торды. Чөнки анда Хәсәншәех төп мәктәбе укучыларының “ Мәрхәмәтлелек ярминкәсе” узды. Укучылар ярминкәдә сатар  өчен алдан ук икенчел чималдан төрле эшләнмәләр ясадылар, төрледән-төрле ризыклар пешереп алып килгәннәр иде. Ярминкәдә укучыларның әти-әниләре дә катнашты. Соңыннан укучылар  Г.Тукайның 130 еллыгына багышланган кичә күрсәттеләр.

Бу көн яхшы эшләргә бай булды. Укучылар һәм укытучылар Бөек Ватан сугышында һәлак булган сугышчылар хөрмәтенә куелган обелиск тирәсен  чистарттылар. CМС балалар отряды членнары да тыл ветераннарына чистарту эшендә үз ярдәмнәрен күрсәттеләр.

Укучыларыбыз спорт буенча да активлар. Мәктәптә бу көннәрдә укучылар арасында шахмат-шашка ярышлары дәвам итә. Шушмабаш урта мәктәбендә төп мәктәп волейбол командалары  арасында   зона ярышлары  үтте. Анда безнең мәктәп командасы да катнашты.

21 апрель  Россиядә - донорлар көне. Шушы уңайдан авыл ФАП җитәкчесе Закирова Рәмзия Мансуровна укучылар алдында  информацион чыгыш  ясады. Ул донор булу, кан бирүнең әһәмиятен укучыларга гади итеп аңлатып бирде.

Бүген “Спортивный Татарстан” акциясе  “Спорт киносы”на карата үтте. Дәресләрдән соң авыл мәдәният йортында  ГТО  турында видеоролик күрсәтелде. Укучылар ГТО тарихы белән  тагын бер кабат танышып үттеләр.

"Мәрхәмәтле Татарстан" акциясенең 4 нче көне  "День доброго кино" девизы астыында үтте.  Дәресләрдән соң укучылар  мәрхәмәтлелек турында видеороликлар карадылар. “Бумеранг добро” видеоролигын караганнан соң фикер алышу оештырылды.

"Спортивный Татарстан" акциясенең 4 нче көне-"Спорт һәм уку". Бу көн ачык һавада зарядка ясаудан башланып китте. Укучылар саф һавада булып, дәресләргә таралдылар. 

Бу көнне башлангыч классларда  “Дуслык күпере ” – дип аталган кичә үтте. Алар дуслык турында мәкалләр әйтеш уйнадылар, төрле милләт биюләрен күрсәттеләр. Соңыннан   укучылар дуслык турында  видеоролик карадылар.

5-9 класс укучылары арасында спорт турында плакатлар, “кричалка”ларга конкурслар игълан ителгән иде.  Укучылар бу бәйгегә  теләп катнаштылар: алар  матур итеп плакатлар,  өндәмәләр әзерләгәннәр иде.