17 нче апрель көнне Гариф Ахунов исемендәге Казанбаш төп мәктәбендә Түбән Мәтәскә һәм Иске Кырлай мәктәбенең 9 нчы сыйныф укучылары өчен һөнәр сайлау юнәлешендә очрашу булды. Очрашуда Үрнәк агрокөллияте, "Казанка" хуҗалыгы, Арча район башкарма комитеты вәкилләре катнашты. Агрокөллият җитәкчесе Дәүләтбаев Зөлфәт Миннефәр улы укучыларны көллияттә нинди һөнәрләргә өйрәтү мөмкинлеге белән таныштырды. Материаль-техник база, һөнәр алганда тудырылган шартлар турында сөйләде. Төп белгечлектән тыш өстәмә рәештә трактор һәм машина йөртүче таныклыклары бирелүен әйтте. Быел яңа белгечлек-юрист һөнәре алу мөмкинлеге дә булдырылган. Көллиятне тәмамлагач, югары белем алу мөмкинлеге булу укучыларга бик уңайлы. Киләчәктә авылда яшәп, җирдә эшләүче яшьләргә өстенлекләр турында да әйтеп кителде. Очрашуда Арча районы башкарма комитетының авыл хуҗалыгы белгече Абдуллин Марат Рәүф улы укучыларны киләчәк тормышларын авыл хуҗалыгы белән бәйләргә чакырды, аның өстенлекләре турында сөйләде, районда башкарылган эшләр белән таныштырды. "Казанка" хуҗалыгы вәкиле Шакирҗанов Ранил Камил улы авыл хуҗалыгы белгечлеге алырга теләүче укучыларны хуҗалыкка эшкә кайтуларын көтеп калуларын, эш һәм хезмәт хаклары турында сөйләде. Очрашу эшлекле һәм файдалы булды.