Мәктәп яны укыту-тәҗрибә участогында кызу эш бара. Бүгенге көнгә бакчада кишер, суган, чөгендер, кәбестә культуралары чәчелде.

Арчада Бөек Җиңүнең 71 еллыгына үткәрелгән бәйрәмдә безнең мәктәбебез дә актив катнашты. Мәктәп музеендагы экспонатлар ярдәмендә тыл хезмәтчәннәренең сугыш вакытындагы тормышын чагылдырган экспозиция күрсәтелде. Җиңү парады хатирәләрдә күп еллар сакланыр.

Казанбаш төп мәктәбе укучылары һәм укытучылар коллективы   9 нчы май -  Җиңү бәйрәмен авыл уртасындагы Ватан өчен һәлак булганнар истәлегенә куелган һәйкәл янында зурлап үткәрделәр. Бәйрәмгә тыл ветераннары чакырылды. Кызганычка каршы, бүген Казанбаш һәм Көтек авылларыннан сугыш ветераннары безнең арабызда юк. Укучылар һәйкәл янына сугышта катнашкан бабаларының фоторәсемнәрен  тотып килделәр. Тантаналы митингны мәктәп директоры Рамил Данил улы Мухамадияров ачып җибәрде. Ул килгән кунакларны бәйрәм белән котлады. Авылның имам-хатыйбы Корбангали хәзрәт сугышта үлеп калганнар рухына дога кылды. 6нчы класс укучылары монтажы җыр – бию белән үрелеп барды.

     Тыл ветераннарының да әйтер сүзләре күп җыелган. Сугыш ветеранының тол хатыны Мәрхәбә апа, сугыш чоры баласы Рәшит абый   сугыш чорында күргән авырлыклар, аларны җиңеп чыгу, Җиңү көнен түземсезлек белән көтеп алуларын сөйләделәр. Укучыларны бүгенге рәхәт һәи тыныч тормышның кадерен белеп тырышып укырга чакырдылар.

  Казанбаш һәм Көтек авылларыннан Бөек Ватан сугышында 194 кеше  һәлак булган, шуларның 81 е  хәбәрсез югалган. Һәлак булган авылдашларыбыз истәлегенә һәйкәлгә веноклар һәм чәчәкләр салынды. Бу җиңү зур корбаннар аша килде. Менә 71 ел инде илебез халкы тыныч тормышта яши. Халкыбыз тудырган зур батырлыклар һәм кичергән газаплар 71 ел буена да, 100 ел буена да онытылырлык түгел. Каһарманнар даны мәңгелек!

Бүген мәктәбебезнең "Вираж" командасы район күләмендә оештырылган "Яшь юл инспекторлар" ярышында уңышлы катнашты.Укучылар юлда йөрү кагыйдәләре,беренче медицина ярдәме күрсәтү, велосипедта йөрү буенча көч сынаштылар.Команда составында Рамазанова Алинә, Габдрахманов Кәрим, Габдрахманова Камилә,  Латыпов Алмаз иде. Аларга зур уңышлар телибез.

Сегодня стартовала акция "Посади дерево".Учащиеся нашей школы приняли активное участие в общероссийской акции в поддержку российского движения школьников "Посади дерево".На терретории школы были посажены множество деревьев и кустарников.

Габдулла Тукайның 130 еллыгына багышланган чаралар район күләмендә дәвам итә.  28 нче апрельдә Казанбаш төп мәктәбендә атказанган укытучы, Мәгариф отличнигы, хезмәт ветераны Фәрхәт ага Зыятов белән очрашу үткәрелде. Фәрхәт ага  укучыларга Габдулла Тукайны дөньяга бүләк иткән Бибимәмдүдәнең туган авылы Өчиле турында сөйләде. Өчиле авылы Тукай тормышында әһәмиятле урын алып тора. Фәрхәт ага укучыларны моңа кадәр мәктәп дәреслекләрендә булмаган мәгълүматлар  белән таныштырды. Тукай Өчиледә кайчан, нинди шартларда, күпме булган – бу турыда Фәрхәт ага сөйләгәнне укучылар кызыксынып тыңлады. Ә  үзе иҗат иткән шигырен укуы көчле алкышларга күмелде. Фәрхәт агага киләчәктә иҗади уңышлар, нык сәламәтлек, тигезлектә, балаларының һәм оныкларының игелеген күреп яшәвен телибез.