Икенче көн күңелле лагерь тормышы дәвам итә.  Бүген  укучылар  туган  ягыбызның  файдалы  казылмалары  белән  таныштылар. Файдалы  казылмалар   турында  презентация  карадылар. Саф  һавада  хәрәкәтле  уеннар  уйнап  сәламәтлекләрен  ныгыттылар.

       Казанбаш төп мәктәбендә балаларның җәйге ялын кызыклы һәм файдалы итеп оештыруга зур әһәмият бирелә. 1 нче июньнән 21 нче июньгә кадәр мәктәптә 20 балага исәпләнгән көндезге лагерь эшләячәк.Халыкара балаларны яклау көнендә лагерь оешкан төстә үзенең эшен башлап җибәрде.Лагерь балаларны кабул итүгә тулысынча әзер, анда таләп ителгән гигиена шартлары булдырылган, балалар белән эшләячәк кадрлар әзер. Лагерьда балаларның сәламәтлеген саклауга зур игътибар бирелә.

       Һәр көн иртән фельдшер Нәҗмиева З.Д. балаларның сәламәтлеген тикшерә. Беренче медицина ярдәме күрсәтү өчен бар нәрсә әзер. Беренче көнне "Дуслык" лагере 2 командага бүленеп,  командалар үзенә исем, девиз, җыр сайладылар. "Кояшкай" һәм "Күбәләк" командаларында унышар бала. Педагог-организатор Габдрахманова Л.М. "Дуслык" лагерен тантаналы төстә ачып җибәрде. Командирлар Гимн музыкасы астында Татарстан флагын күтәрделәр. Тәрбиячеләр Әсхәдуллина Г.Җ., Рамазанова Ф.Р. һәм спорт буенча җаваплы Мәрдәнов Р.Р. командалар арасында  эстафета ярышы үткәрделәр. Команда членнары үзләренең җитезлекләрен күрсәттеләр.

       Төшке аштан соң  Халыкара балаларны яклау көне уңаеннан рәсем конкурсы оештырылды. 1 нче урынга 2 нче класс укучысы Мөхәмәтханова Алинә лаек булып, Диплом белән бүләкләнде.

      Лагерьда педагоглар балаларны физкультура белән шөгыльләнүгә җәлеп итәчәкләр, төрле кызыклы уеннар оештырылачак. Балаларны туган ягыбызның тарихи урыннарына экскурсияләргә алып бару планлаштырыла. Экскурсияләр туган ягыбызны, аның тарихын өйрәнүгә кызыксыну уятырга ярдәм итәчәк. Җәй хәвеф-хәтәрсез үтсен, ул балаларга бары шатлык китерсен.

31 нче май көнне мәктәптә “Балалар иминлеге – беренче чиратта” дигән темага класс җыелышлары узды. Класс җитәкчеләре уку елын тәмамлау, нәтиҗәләр, планнар, җәйге  каникулда балаларның ялын файдалы һәм күңелле оештыру, аларның һәрдаим иминлеген кайгырту турында сөйләде, җәйге ял вакытында куркынычсызлык кагыйдәләре буенча инструктаж үткәрелде.   Мәктәпкә тулы энергия белән килсеннәр. Яхшы яллар сезгә, укучылар!

Башлангыч сыйныф укучылары табигать кочагында ял итәләр.

Бүген 4 нче класс укучыларын Татарстан Варислары сафына алу тантанасы булды. "Варислар” оешмасына балаларны кабул итеп, аларны дөреслек яклы, күп белүчән, көчле, җитез, ышанычлы дус, өлкәннәргә дә, кечкенәләргә дә булышучы, туган ягының табигатен һәм мәдәниятен уяу саклаучы, туган республиканың лаеклы гражданины итеп тәрбияләү - безнең төп бурычыбыз.

Бүген 5- 8 нче сыйныф укучылары Казан шәһәренә экскурсиягә бардылар. Алар анда шәһәрнең истәлекле урыннары белән таныштылар,музейларга керделәр, күңел ачу аттракционнарында уйнадылар, нәфис фильмнар карадылар. Экскурсия бар укучыга да бик ошады.

Бүген 9 нчы сыйныф укучыларының "Соңгы кыңгырау" бәйрәме булды. Бәйрәмдә Арча муниципаль районы башкарма комитетының "Яшьләр эше, спорт һәм туризм" бүлеге җитәкчесе Сагитов З.В., Арча мәгариф бүлеге методисты Гатауллина Л.М., Үрнәк авыл җирлеге җитәкчесе урынбасары Тимашев Ф.И., мәктәпнең 30 елдан артык директоры булып эшләгән Низамов Д.Н., әти-әниләр, ветеран укытучылар катнашты. Бәйрәм тантанасы бик матур үтте. 9 нчы сыйныф укучыларга барлык катнашучылар изге теләкләрен, имтиханнарда уңышлар  теләделәр.

18, 19 май көннәрендә Халыкара музей көннәренә багышлап класста тәрбия сәгатьләре үткәрелде. Бүген 7 нче сыйныф укучылары Яңа-Кырлайда урнашкан Габдулла Тукакйның мемориаль музеена экскурсиягә бардылар.