Бүген мәктәбебездә "Сәламәтлек көне" уздырылды. Укучылар саф һавада рәхәтләнеп чаңгы шудылар.

 Грипп – вируслы тын юлы инфекциясе (ОРВИ) төркеменә керә. Ул эпидемиягә әверелүчән. Моннан тыш, ул организмга өзлегү дә китерергә мөмкин булган кискен авыру.
    ОРВИ – киң таралган чир. Аның вируслары селәгәй, сулыш алганда барлыкка килгән юешлек аша, сөйләшкәндә, елаганда, төчкергәндә, ютәлләгәндә тарала.     Башкаларга ул шул ук һаваны сулаганда яки бер үк көнкүреш әйберләреннән файдаланганда күчә. Әлбәттә, халык аеруча күп җыелган җәмәгатьчелек урыннарында грипп эләктерү ихтималы зур.
    Әлеге инфекция тиешенчә дәваланмаганда үпкә ялкынсынуы тудырырга мөмкин. Балаларда борын, колак авыруы туу, менингит башлану ихтималы да юк түгел. Грипп бигрәк тә сабыйлар һәм өлкән яшьтәгеләр, шулай ук ВИЧ-инфекциялеләр, каты авырулылар өчен куркыныч тудыра.
    Авыруның гадәттәге сезонлы артуы февраль аенда көтелә. Бу авыру белән без беренче ел гына очрашмыйбыз.
    Гриппны кисәтү максатыннан, бүген без укучылар белән әңгәмә уздырдык, видеороликлар карадык. Авыруны дәвалауга караганда, кисәтүнең яхшырак булуы турында без инде беләбез. Грипптан саклану чараларын, әгәр инде авырый калсак, бу авыруны җиңеп чыгу юлларын искә төшердек. Сәламәт булыйк!

    Түгәрәккә йөрүче укучылар авылыбызның тарихи урыннары белән танышуны дәвам итәләр. Алар Зәйнулла коесы һәм тимерче алачыгы янында булдылар. 

 Бүген мәктәп күләмендә узган линейкада укучылар Халыкара Туган тел ункөнлегенең планы белән таныштылар. Аларга ачык дәресләрдә, рәсем конкурсларында, викторина, шигырь сөйләү конкурсларында актив катнашу максаты куелды.

Уважаемые родители! с 1 февраля начался прием заявлений в 1 класс 2020-2021 учебного года. Подача заявлений осуществляется через сайт госуслуг РТ в личном кабинете родителя.

Бүген башлангыч сыйныф укучылары авыл почтасына сәяхәт иттеләр, почта хезмәткәрләренең эшләре белән таныштылар. Сәяхәт укучыларга ошады. Алар почта хезмәте турында бик күп нәрсә белделәр.

Бүген озынайтылган көн группасы укучылары мәктәбебез музеенда "Сугыш еллары" почмагы белән таныштылар.

27 нче гыйнвардан 1 нче февральгә кадәр мәктәп күләмендә "Кошларга җимлек" конкурсы уздырыла. Башлангыч класс укучылары бу конкурста бик теләп катнашалар. "Могҗизалы җимлек" номинациясендә җиңүче кем булыр?

   25 нче гыйнвар Яңа Кенәр мәктәбендә Венер Шакирҗанов истәлегенә кызлар арасында волейбол ярышы узды. Анда төрле районнардан 6 команда катнашты. Безнең мәктәпнең кызлар волейбол командасы 2 нче урынга лаек булды. Ә Рәхимова Р. "Иң яхшы уенчы" исемендәге кубок белән бүләкләнде. Кызларны һәм тренерларын чын күңелдән котлыйбыз, аларга уңышлар телибез.