Иртә әле, вакыт бар дип, Озак йоклап ятма син. Кояштан алда уян да, Физзарядка яса син. Сәламәт, таза булуың Синнән тора икән бит. Дөньда иң-иң кадерле – Исәнлек, тик исәнлек.

Шнурлы уеннар каләм хәрәкәтен координацияләүне, тырышлыкны, сабырлыкны үстерә. Бу уеннар ярдәмендә баланы исәпләргә өйрәтергә, логиканы үстерергә, яңа төшенчәләр белән таныштырырга мөмкин. Бау уены чисталыкны һәм игътибарлылыкны өйрәтә, чөнки һәр детальнең үз урыны бар. Бала конструкцияләү, орнаментлар төзү, яссылыкка ориентлашырга өйрәнү күнекмәләренә ия була.

Бүген бишенче октябрь, Укытучылар көне! Әлеге күркәм бәйрәм көнендә йөрәктән чыккан иң изге теләкләрне, иң җылы хисләрне кабул итегез! Һөнәрегезгә һәрчак тугры булуыгыз, күңел сафлыгыгыз һәм тырышлыгыгыз өчен зур рәхмәт сезгә! Барыгызга да исәнлек-саулык, күңел күтәренкелеге, зур уңышлар, бетмәс-төкәнмәс энергия, эшегездә яңа үрләр яулавыгызны телим! Сезнең һәр дәресегез укучыларны яңа белемнәргә, фәнни ачышларга этәрсен! Тормыш сезгә һәм укучыларыгызга бары тик “бишле” билгеләре генә куйсын! 

Хөрмәтле өлкәннәребез! Халыкара өлкәннәр көне уңаеннан сезгә иң җылы, ихлас котлауларыбызны җиткерәбез. Без сезне, хезмәтегезне ихтирам итәбез, рәхмәтләребезне белдерәбез. Һәммәгезгә дә нык сәламәтлек, иминлек, озын гомер, күңел тынычлыгы, якын кешеләрегезнең мәхәббәтен, игътибарын һәм хөрмәтен тоеп, озак яшәвегезне телибез. Бәйрәм белән!