6 нчы класс укучылары арасында XV нче Республика  математик олимпиадасының I нче турында С адыйкова Энҗе белән Нуриева Таңсылу 4 нче урын алдылар. Укытучылары - Зарипова Фирая Гаязовна.

    Хөрмәтле хатын-кызлар, коллегаларыбыз!

Сезне чын күңелебездән 8 март - Халыкара хатын-кызлар бәйрәме белән котлыйбыз! Сезгә нык сәламәтлек, иминлек, озын гомер телибез. Һәрвакыт шат, сөйкемле, бәхетле булыгыз!

    Карлар каплый әле кыр юлларын,

   Әмма вакыт язга әйләнде.

    Бәйрәм белән Сезне,

    Котлы булсын дөнья бәйрәме!

  6   нчы  класс егетләре кызлардан бер дә калышмый. Бәйрәм уңаенннан күңелле итеп ял иттеләр. Егетләр үзләренең уңганлыкларын күрсәттеләр: камыр бастылар, токмач кистеләр, җырлар- биеп күрсәттеләр.

8 нче март бәйрәменә багышланган чаралар мәктәбебездә күптән башланып китте. Һәр класс үзенчә күңел ачты. 5 нче класс укучылары әниләрен бәйрәмгә чакырдылар. Әниләре белән бергә биеделәр, җырладылар, уеннар уйнадылар. Бәйрәм бик күңелле, истә калырлык  булды.

     3 нче класс укучылары  8 март бәйрәмен бик сагынып көтеп алды, алдан ук тырышып әзерләнделәр. Малайлар кызлар өчен концерт куйдылар. Бәйрәм чәй табыны артында дәвам итте.

   1 нче март көнне кызлар арасында тимераякта узышу буенча I кышкы Олимпиада уеннары узды. 11 укучы катнашты. Дистанция 1000 м. Нәтиҗәләр: 1 нче урында 8 нче класс укучысы  - Губаева Гөлфия  , вакыты - 3 минут 22.00  секунд, 2 нче урында 5 нче класс укучысы - Губаева Гөлфинә, вакыты - 3 минут 22.28 секунд, 3 нче урында 6 нчы класс укучысы Нуриева Таңсылу, вакыты - 3 минут 22.56 секунд.

     1 нче март көнне авылдашыбыз шагыйрь , "Казан  утлары" журналының баш мөхәрир урынбасары Юнысов Рәфикь Юныс улына 70 яшь. Шушы уңайдан без аны котлыйбыз. Озын гомер , нык сәламәтлек, иҗади уңышлар телибез.

    Китапханәчебез Фарухова Тәслимә Рәхимҗановна китапханәдә күргәзмә оештырды һәм озынайтылган көн төркеменә йөрүче укучыларга авылдашыбыз турында күп мәгълүмат бирде.

Тиздән 8 нче Март җитә,

Бу - Әниләр бәйрәме.

Беренчеләр бүләк итәр

Сезгә чәчәк бәйләме.

Беренче класс укучылары тырыша-тырыша әниләренә бүләк әзерлиләр.

  27 нче февраль көнне 1 нче класс укучылары класс җитәкчеләре белән китапханәдә кунакта булдылар. Китапханәче Фарухова Тәслимә Рәхимҗан кызы укучыларны китапханә, балалар язучылары, китап уку, аны саклап тоту кагыйдәләре белән таныштырды. Укучыларга  кунакта бик ошады.

     Мәктәбебез укучылары математика буенча интернет олимпиадада катнаштылар. Алар төрле дәрәҗә дипломнарга лаек булдылар.Шулар арасыннан  1 нче класс укучылары Мифтахова Райлә, Шайхиев Ранил, Садыйкова Зилә; 2 нче класс укучылары  Насыйрова Адилә, Нуриева Тәнзилә, Җәләева Резеда, Хазикаева Эльвира; 3 нче класс укучылары Рахимова Руфия, Мортазина Динара, Закиров Инсаф, Салимов Рүзәл; 4 нче класстан Хафизова Зилә.

     5 нче класстан Әхмәтҗанова Адилә икенче дәрәҗә диплом, Осипова Чулпан сертификат, 6 нчы класстан Сабирҗанова Райлә, Миннуллина Динә, Гобәева Айгөл, Хөснетдинова Илүзә сертификат; 7 нче класстан Хафизова Ләйсән беренче дәрәҗә диплом, Шарипова Алисә сертификат; Галиева Рузалия икенче дәрәҗә диплом; 8 нче класстан Камалиев Адел өченче дәрәҗә дипломга лаек булдылар. Әлеге укучыларга   һәм аларның укытучыларына   зур уңышлар  телибез.