1 нче март көнне кызлар арасында тимераякта узышу буенча I кышкы Олимпиада уеннары узды. 11 укучы катнашты. Дистанция 1000 м. Нәтиҗәләр: 1 нче урында 8 нче класс укучысы  - Губаева Гөлфия  , вакыты - 3 минут 22.00  секунд, 2 нче урында 5 нче класс укучысы - Губаева Гөлфинә, вакыты - 3 минут 22.28 секунд, 3 нче урында 6 нчы класс укучысы Нуриева Таңсылу, вакыты - 3 минут 22.56 секунд.

     1 нче март көнне авылдашыбыз шагыйрь , "Казан  утлары" журналының баш мөхәрир урынбасары Юнысов Рәфикь Юныс улына 70 яшь. Шушы уңайдан без аны котлыйбыз. Озын гомер , нык сәламәтлек, иҗади уңышлар телибез.

    Китапханәчебез Фарухова Тәслимә Рәхимҗановна китапханәдә күргәзмә оештырды һәм озынайтылган көн төркеменә йөрүче укучыларга авылдашыбыз турында күп мәгълүмат бирде.

Тиздән 8 нче Март җитә,

Бу - Әниләр бәйрәме.

Беренчеләр бүләк итәр

Сезгә чәчәк бәйләме.

Беренче класс укучылары тырыша-тырыша әниләренә бүләк әзерлиләр.

  27 нче февраль көнне 1 нче класс укучылары класс җитәкчеләре белән китапханәдә кунакта булдылар. Китапханәче Фарухова Тәслимә Рәхимҗан кызы укучыларны китапханә, балалар язучылары, китап уку, аны саклап тоту кагыйдәләре белән таныштырды. Укучыларга  кунакта бик ошады.

     Мәктәбебез укучылары математика буенча интернет олимпиадада катнаштылар. Алар төрле дәрәҗә дипломнарга лаек булдылар.Шулар арасыннан  1 нче класс укучылары Мифтахова Райлә, Шайхиев Ранил, Садыйкова Зилә; 2 нче класс укучылары  Насыйрова Адилә, Нуриева Тәнзилә, Җәләева Резеда, Хазикаева Эльвира; 3 нче класс укучылары Рахимова Руфия, Мортазина Динара, Закиров Инсаф, Салимов Рүзәл; 4 нче класстан Хафизова Зилә.

     5 нче класстан Әхмәтҗанова Адилә икенче дәрәҗә диплом, Осипова Чулпан сертификат, 6 нчы класстан Сабирҗанова Райлә, Миннуллина Динә, Гобәева Айгөл, Хөснетдинова Илүзә сертификат; 7 нче класстан Хафизова Ләйсән беренче дәрәҗә диплом, Шарипова Алисә сертификат; Галиева Рузалия икенче дәрәҗә диплом; 8 нче класстан Камалиев Адел өченче дәрәҗә дипломга лаек булдылар. Әлеге укучыларга   һәм аларның укытучыларына   зур уңышлар  телибез.

     22 нче февраль көнне мәктәптә классларда ата-аналар җыелышы үткәрелде. Җыелышта  республикада булып узган гадәттән тыш хәлләр турында әйтелде. Балаларның тормышын куркыныч ситуацияләргә этәрүче мәсьәләләр тикшерелде.

21 нче февраль көнне мәктәбебездә 5-9 нчы класс укучылары арасында Ватанны саклаучылар көненә багышланган "Аҗаган" уеннары үткәрелде. Бәйрәмдә "Арча хәбәрләре" газетасыннан һәм "Арча" телевидениесеннән дә кунаклар катнашты.

21 нче февраль көнне башлангыч класс укучылары арасында "Күңелле стартлар" уены үткәрелде. Уенда "Моряклар" һәм "Танкистлар" командалары көч сынашты.

20 нче февраль көнне мәктәбебездә Ватанны саклаучылар көненә багышланган чара булды.Укучылар белән очрашуга сугыш һәм тыл ветераннары килде. Алар арасында Садыйкова Гөлчирә һәм Бариева Хәмсәнә апалар, Гәрәев Вәли һәм Солтанов Рәсим, Закиров Мөбәрәкҗан  абыйлар бар иде. Ветераннар балаларга сугыш вакыйгалары, үзләренең күргәннәре, сугыштан соңгы авыр вакытлар турында сөйләделәр, укучыларның сорауларына җавап бирделәр. Очрашу чәй табыны артында дәвам итте. Без исә ветераннарга сәламәтлек, озын гомер, аяз күк йөзе, тыныч картлык теләп калабыз.

Коллегаларыбыз - Копылова Гүзәлия Гарифулловна һәм Закирова Нәфисә Галиевналарны  туган көннәре белән котлыйбыз. Аларга ныклы сәламәтлек, эшләрендә иҗади уңышлар, гаилә бәхете телибез. Һәрвакытта да шундый ярдәмчел, көләч йөзле булып калыгыз.