Бүген Арча балалар китапханәсендә "Җирдә тынычлык хакына" дип исемләнгән шигырь сөйләүчеләр бәйгесенең район күләмендәге 1 нче этабы үтте. Анда мәктәбебезнең 7 нче класс укучысы Әхмәтҗанова Адилә 3 нче урынны яулады. Аны җиңүе белән чын күңелдән котлыйбыз!

Мәктәптә эшләп килүче шашка һәм шахмат түгәрәгенә олы класслар белән беррәттән кекенә сыйныф укучылары да яратып йөриләр. Җитәкчеләре Зәйнуллин Х. Х. түгәрәккә йөрүчеләр арасында гел ярышлар үткәреп тора.

Бөек Җиңүнең 70 еллыгына багышлап үткәрелгән рәсем конкурсына йомгак ясалды, җиңүчеләр билгеләнде.

9 нчы сыйныф укучылары мәктәбебез музеенда Бөек Ватан сугышында катнашкан авылдашларыбызга багышлап ясалган күргәзмә белән таныштылар, үзләренә күп мәгълүмат алдылар.

1 нче февральдә Арча стадионында Сәламәтлек  көне булды. Анда теләгән һәркем чаңгы шуды. Стадион шау- гөр килеп торды. Безнең мәктәп укучылары да бу бәйрәмдә катнаштылар. Район башкарма комитеты җитәкчесе Илшат Нуриев халыкны Сәламәтлек көне белән котлады, сәламәт яшәү рәвеше алып барырга өндәде.

Мәктәбебезне тәмамлап чыгып, хәзерге вакытта төрле уку йортларында белем алучы студентлар белән орашу кичәсе булды. Алар үзләре укыган уку йортлары турында сөйләделәр, укучыларга киңәшләрен бирделәр.

Китапханәдә рус язучысы А. П. Чеховның тууына 155 ел тулуга багышланган китап күргәзмәсе ясалды. Укучылар аның тормыш юлы, әсәрләре белән таныштылар.

Кәче авыл җирлегендә отчёт- сайлау җыелышы булды. Анда район башкарма комитеты җитәкчесе Нуриев Илшат Габделфәрт улы да катнашты. Ул  мәктәбебезнең эшчәнлеге белән дә танышып китте.

Отчёт- сайлау җыелышыннан соң Кәче авылы мәдәният йөртында мәктәп укучылары һәм авыл үзешчәннәре катнашында концерт булды.

Бүген мәктәптә хоккей ярышы үтте. Укытучылар командасына каршы 8 нче сыйныф укучылары уйнады.