Бәйрәм буларак ул 1992 елдан бирле үткәрелә башлый. Чөнки ул елның 11 июнендә Россия Федерациясе Югары Советы тарафыннан “Россия Федерациясенең дәүләт суверенитеты турында Декларация кабул итү көне” карарына кул куела.

Рәсми рәвештә бәйрәм яңа исемен (“Россия көне”) 2002 елның 1 февралендә ала. Россиянең Хезмәт кодексы яңарганнан соң, Россия көне илебезнең барлык төбәкләрендә билгеләп үтелә башлый. Аны дәүләт тарафыннан игълан ителеп, ял итә торган иң яшь бәйрәмнәрнең берсе, дип әйтергә мөмкин.

Әлеге бәйрәм безнең "Тамчыкай" мәктәп яны лагерында да  билгеләп үтелде. Лагерь әйдаманы Магсумова Гөлнара Фердинат кызы бәйрәмнең килеп чыгуы белән таныштырды. Укучылар өйрәнгән шигырьләрен сөйләделәр, мәкальләрнең ахырын дәвам иттеләр, гимн җырладылар. Ак, зәңгәр, кызыл төстәге футболкалар киеп Россия флагын чагылдырдылар. Бәйрәм соңыннан күмәк биюләр оештырылды.

Нәрсә соң ул мода? Бу термин кешенең тормыштагы культурасы һәм стилен чагылдыра. Мода кешенең киемендә, көнкүреш предметларында, интерьерда, шулай ук әдәбият, архитектура һәм сәнгатьтә чагылырга мөмкин. Бүген укучыларыбыз да моданы үзләре аңлаганча җиткерделәр.

Бүген бадминтон буенча лагерь беренчелегенә ярышлар узды. Укучылар ярышта бик теләп катнаштылар. Күп көч куйганнан соң беренчелекне Гәләветдинова Гүзәл яулады. Аны җиңүе белән котлыйбыз , алдыгы ярышларда уңышлар телибез.

Арча районы мәдәният һәм сәнгать музее 1995-нче елның 26 апрелендә ачыла.

Күп кенә күренекле татар язучылары һәм сәнгать эшлеклеләре Арча җирлегендә дөньяга килгән.

Музей экспозициясе Арча ягы белән бәйле 40 язучы-шагыйрь һәм 20 сәнгать эшлеклесе турында мәгълүматны үз эченә ала. Экспонатлар арасында XVIII — XIX гасырларга караган — галимнәр Г.Курсави, Ш.Мәрҗани, Ш.Күлтәси, драматург Г.Камал, шагыйрь Г.Тукайның документлары һәм шәхси әйберләре (Ш.Күлтәсинең таянып йөргән таягы, Ш.Мәрҗәнинең язу әсватлары, Коръән китаплары һ.б.) бар.

Гражданнар сугышы һәм Бөек Ватан сугышы еллары тарихы музейда халык язучысы Г.Бәширов, язучылар А.Галиев, Г.Бакиров, М.Галяу кебек шәхесләр тарихында чагылыш тапкан.

Аерым залда кул эшләнмәләре, сәнгать әсәрләре, актер һәм артистларның портретлары һәм шәхси әйберләре күргәзмәсе эшли. Моннан тыш биредә Арча районының XV гасырдан соңгы тарихы тасфирланган.

Беренче залда районыбызның тарихчылары, фән эшлеклеләре, фәлсәфәчеләренә кагылышлы фотодокументлар, китаплар һәм шәхси әйберләр урын алган.

Ике залда халык язучылары һәм Габдулла Тукай премиясе лауреатлары турында күргәзмә-экспозиция эшли.

Музейдагы 1700 экспонатның өч йөзе генә төп нөсхә күчермәсе, калганнары — төп нөсхә.

Бүген укучыларыбыз әлеге музейга сәяхәт кылдылар. Гарипов Шәфигулла Зәйнуллович укучыларга музейдагы экспонатлар турында бик күп мәгълүмат бирде.

Бүген   "Тамчыкай"  лагеренда Гиннесның рекордлар китабына кертергә мөмкин булган фактлар каралды. Әлеге фактлар  "иң, иң,иң........." дип башлана, "иң озын чәчле", "иң окечкенә буйлы", һ.б.

Бүген музейлар көне..... Укучыларыбыз мәктәп музна сәяхәт ясадылар.  Музей җитәкчесе -тарих фәне укытучысы Нуриев М.Б. укучыларны музейдагы экспонатлар белән таныштырды, алар турында тулы һәм кызыклы мәгълүмат җиткерде.

        Бүген лагерьның алтынчы көне. 6 нчы июнь - А.С.Пушкинның туган көне һәм Россиядә рус теле көне буларак билгеләп үтелә. Шул уңайдан балалар А.С.Пушкин әсәрләре белән таныштылар, аның китапларыннан  күргәзмә оештырдылар, А.С.Пушкин шигырьләрен сәнгатьле укуга конкурс үтте. Конкурста  4 нче класс укучысы Мамаева Алинә җиңүче дип табылды.

       "Без-урман дуслары". Укучыларыбыз урман темасына хикәя яздылар һәм рәсем ясадылар.

Бүген укучыларыбыз асфальтта рәсем ясадылар. Алар чынбарлыктан табигатьне рәсемгә төшерделәр. Рәсемнәр  шулкадәр матур килеп чыкты, аларны хәтта чынбарлыктан аерып алуы да кыен иде.

Лагерьның әйдаманы Магсумова Гөлнара Фирдинант кызы балалар алдында  төрле авыруларга каршы көрәш чаралары турында чыгыш ясады. Укучылар үзләрен кызыксындырган сорауларга җаваплар алдылар, үзләре белгән халык медицинасы чаралары турында сөйләделәр.

Бүген лагерьның өченче көне, бүген без лагерьны тантаналы төстә ачып җибәрдек. Укучыларыбыз концерт номерлары әзерләделәр. Лагерь флагын мәктәптә һәм районда  күп спорт ярышларында катнашып  җиңүләр яулаган 4 нче класс укучысы Гәләветдинова Гүзәл күтәрде.Укучыларыбыз җырладылар, биеделәр. Шулай ук лагерьда әйдаман булып эшләүче физик тәрбия укытучыбыз- Зәйнуллин Хәйдәр Хәйруллович укучыларыбыз алдында халкыбызның борынгы җырларын яңгыратты.