Уку елы башында башлангыч сыйныф укучыларына мәдәни көндәлекләр таратылган иде. Инде менә уку елыбыз ахырына якынлашты. Ниһаять, нәтиҗәләр ясар ,  уку елы буена кем иң күп мәдәни чараларда катнашты икән, шуларны билгеләр вакыт җитте. Безнең мәктәп укучылары да бик күп төрле чараларда катнашкан. Һәм менә 3 укучыбыз җиңүче булды. Аларга китапханәче Альбина Рәис кызы бүләкләр тапшырды.

Укучыларыбыз Бөек Җиңүнең 72 еллыгына карата күргәзмә әзерләделәр. Ул "Авылыбыз батырлары" дип исемләнгән иде. Әлеге күргәзмәне оештыручы - тарих укытучысы Нуриев М.Б.

   Бүген  авылыбызда җиңүнең 72 еллыгына багышлап тантаналы митинг узды. Авыл ветераннар советы рәисе Фиргать Хәйруллин ,җирлек башлыгы Тәлгать Закиров, мәктәп директоры Нияз Муллахмәтов митингта катнашучыларны бәйрәм белән тәбрикләделәр. Балалар эчтәлекле  тематик әдәби-музыкаль чыгыш күрсәттеләр. Күп авыллардагы кебе ук, безнең авылыбызда  дә сугыш ветераннары, кызганычка каршы, бакыйлыкка күчеп беткән инде. Ул елларның коточкыч авырлыгын үз җилкәләрендә кичергән тыл хезмәтчәне Сәләхетдин Гәвәветдинов, сугыш ветеранының тол хатыны Разия Минҗанова, сугыш чоры баласы Хәмсәнә Бариева, һава торышы начар булуга карамасатан, митингка килгән иделәр. Алар да авылдашларына, балаларга тыныч күк йөзе, сугыш афәтен башка беркайчан да күрергә язмасын дип теләделәр.

     Бөек Ватан сугышында авылыбыздан  барысы 526 кеше катнашкан . Шуларның бары 219 гына туган якларына әйләнеп кайта алган. Алар истәлегенә куелган һәйкәлгә бүген веноклар салынды. Митингта катнашучылар бер минут тынлык белән каһарман авылдашларын искә алдылар.

Бүген укучыларыбыз психолог Хисамова Роза Мансур кызы белән очраштылар, үзләрен кызыксындырган сорауларга җавап алдылар.

Бүген 9 нчы класс укучылары һәм мәктәпнең җыелма командасы арасында волейбол ярышы үтте. Ярышты мәктәпнең җыелма командасы җиңүгә иреште.

Бүген  мәктәп күләмендә өмә оештырылды. Өмәдән бер кеше дә читтә калмады. Барлык укучылар , укытучылар, техник хезмәткәрләр дә теләп катнаштылар. Бөтен мәктәп территориясе, юл буйлары, чишмә, һәйкәл тирәсе чүптән арындырылды; бордюрлар, агач төпләре агартылды.

Укучыларыбыз "Арча балы" конкурсында катнаштылар. Аларның биюе  "Самый волшебный танец"  исеменә лаек булды.

Бүген мәктәбебез укучылары авылдашыбыз, Казан дәүләт ветеринария медицинасы академиясендә авыл хуҗалыгы продукциясен җитештерү һәм эшкәртү технологиясе кафедрасының өлкән укытучысы, доцент , "Агулы үсемлекләр", "Туган ягым үсемлекләре" китаплары авторы Закиров Фоат Дәүли улы белән очрашты.