Мәктәптә укулар башланды. Мәктәбебез укытучылары дәресләрне кызыклы һәм мавыктыргыч итеп уздыралар. Музыка укытычыбыз Нигмәтҗанова А. Р. укучларны төрле уен кораллары белән таныштыра. Укучылар үзләре дә әлеге уен коралларында уйнап карыйлар.

Табиблар прививка халыкны  грипп йоктырудан саклап кала, дип белдерә. Статистика буенча гриппка каршы ясала торган прививкаларның кешеләргә файдасы бик зур. Соңгы елларда бары тик вакцинация ясату нәтиҗәсендә генә дә  грипп белән авыраучылар саны кимегән.

Быелгы сезонда Татарстанда яшәүчеләрнең 40%ына вакцина ясау планлаштырыла. Сентябрь-октябрь айлары прививка ясау өчен иң кулай вакыт дип санала. Чөнки аның авырудан саклау тәэсире 8-12 көннән, ә иммунитеты төшкән кешеләрдә һәм өлкәннәрдә 1-1,5 айдан башланачак.

Бүген авылыбыз фельдшеры мәктәп укучыларына да гриппка каршы привика ясады.

Укулар башлану белән озынайтылган көн төркеме дә үз эшен башлап җибәрде. Төркемгә башлангыч класс укучылары бик теләп йөри. Алар саф һавада төрле уеннар уйныйлар, дәрес хәзерлиләр. Иң яраткан вакытлары-клуб сәгате. Бу вакытта төрле чаралар уздыралар, кул эшләре белән шөгыльләнәләр.

        4 нче сентябрьдә мәктәп күләмендә линейка узды. Линейкада укучыларга , бигрәк тә 1 нче класс укучыларына мәктәпнең эчке кагыйдәләре аңлатылды, кереш инструктаж үткәрелде. Бигрәк тә басым тимер юлларда куркынычсызлык кагыйдәләре үтәүгә ясалды. Тимер юлларда хулиганлык эшләгән өчен штраф күләме турында әйтелде. Бу 150000 сумнан башлап 300000 сумга кадәр яки 2 елга иректән мәхрүм итү. 20 нче августтан 20 нче сентябрьгә кадәр аралыкта Горький тимер юлы полигонында "Безопасная железная дорога" айлыгы игълан ителүе турында хәбәр   ителде.

3 сентябрь-терроризмга кашы көрәш көне. Шул уңайдан мәктәбебезнең һәр классында класс сәгатьләре үткәрелде. 2004 нче елның 1 нче сентябрендә Беслан шәһәрендә булган фаҗигале вакыйга искә алынды.

1 сентябрь-Белем бәйрәме. Бу уку елында мәктәбебез 1 нче класска 9 укучы: 4 малай һәм 5 кызны кабул итте.

Мәктәбебезнең технология фәне укытучысы Копылова Г.Г.  "Без- Тукай оныклары" дип исемләнгән регионара  палаткалы лагерьны оештыруда актив катнашканы өчен  район мәгариф бүлегенең Рәхмәт  хаты белән бүләкләнде. Аңа алдагы эшендә зур уңышлар телибез!

Бүген районда август киңәшмәләренең татар башлангыч класс укытучылары секциясе үз эшен дәвам итте.

Укучыларыбыз мәктәп бакчасында тырыша-тырыша яшелчә, җиләк-җимеш, матур-матур чәчкәләр үстерәләр. Бүгенге көннәрдә кайбер төр яшелчәләрне җыю башланды.