2022 нче елның 10 февралендә  Россия һәм бөтен мәгърифәт дөньясы бөек рус шагыйре , күренекле драматург, әдәби тәнкыйтьче һәм рус сүзлегенә нигез салучы Алексндр Сергеевич Пушкинны искә алу көнен билгеләп үтә. Шул уңайдан укучылар белән шагыйрьнең  иҗаты турында әңгәмә үткәрелде, укучылар шигырьләрен укыдылар.

                Салкын кыш айларында безнең якларда кышлаучы кошларга ризык табу бик кыенга туры килә. Укучыларыбыз кошларга ярдәм итү йөзеннән әти-әниләре белән бергәләп матур җимлекләр ясап элделәр. Алар  һәр көн саен кошларга  җимнәр сибәләр, канатлы дусларыбызның  чөкердәшеп җим чүпләгәннәрен күзәтәләр. Кошларга ярдәм итә алу өчен без бик сөенәбез. 

           1964 нче елдан башлап 8 нче февраль көнне бөтен дөньяда Яшь антифашист көне буларак билгеләп үтелә. 3 нче класста тәрбия сәгатендә әлеге темага карата әңгәмә үткәрелде.

      1992 нче елның 7 нче февралендә Югары Советның 8 нче сессиясендә Татарстан гербы кабул ителде. Герб - Татарстан Республикасының дәүләт символы. Әлеге темага тәрбия сәгатьләре үткәрелде.

                      Мәктәбебездә тимурчылык эше күптәннән алып барыла. Бу эштә укучыларыбыз бик теләп катнашалар. Сукмакларны кардан чистарталар, олы яшьтәге әби-бабайларга ярдәм итәләр.

          Мәктәбебездә шашка, шахмат түгәрәге эшли. Тәнәфесләрдә укучылар зур кызыксыну белән шахмат, шашка уйныйлар, буш вакытларын файдалы итеп үткәрәләр.

                 79 ел элек Сталинград шәһәре немец гаскәрләреннән азат ителә. Сталинград сугышы- Бөек Ватан сугышында иң зур бәрелешләрнең берсе. Шул уңайдан "Сталинград сугышы" дип исемләнгән  Хәтер дәресе узды. Укучылар Сталинград сугышы турында мәгълүмат алдылар, анда катнашкан геройлар белән таныштылар.

            2022 нче ел Русия халыкларының мәдәни мирасы елы дип игълан ителде. Мәдәни мирас елы халык сәнгатен популярлаштыру, мәдәни традицияләре , тарихи һәм мәдәни һәйкәлләрне, барлык халыкларның мәдәни үзенчәлекләрен һәм Русиядә этник күптөрлелекне популярлаштыру максатыннан уздырыла. Мәктәптә әлеге темага багышланган күргәзмз ясалды.

                    Бүген Теләчедә 2005 нче елгы һәм аннан яшьрәк егетләр арасында Габдрахманова Р.А. призына көрәш буенча район беренчелеге булып үтте. Ярышларда Балык Бистәсе, Саба, Кукмара, Лаеш, Арча, Теләче районнарыннан 130 көрәшче катнашты. Анда "Арча" спорт мәктәбе көрәшчеләре дә уңышлы чыгыш ясап кайттылар. Мәктәбебезнең 9 нчы класс укучысы Вәлиәхмәтов Әмир 3 нче урынга лаек булды. Котлыйбыз!