Урта Курса мәктәбендә "Курса МТС"ы ширкәте җитәкчесе Гыйләҗетдинов Р.Г. призына 2007-2008 нче елгы яшүсмерләр арасында көрәш бәйгесе үтте. Анда мәктәбебез укучылары да катнашты. Вәлиәхмәтов Дияз 1 нче урынга, Гобәев Раяз 3 нче урынга лаек булдылар. Котлыйбыз! Молодцы, егетләр!

    Мәктәбебездә бөек шагыйребез Габдулла Тукайның 136 еллыгына багышланган "Тукай - сүнмәс йолдыз ул" дип исемләнгән китап күргәзмәсе ясалды.

             Бүген мәктәбебезнең 6 нчы класс укучылары Насыйрова Зәринә һәм Хәйруллин Айдар "Мин Арча баласы" проекты кысаларында үткәрелгән "Мин Арчаны беләм" квестында катнаштылар.

         Башлангыч класс укучылары белән "Зур сугышның нәни геройлары" дигән темага тәрбия сәгате үтте. Укучылар герой пионерлар эшләгән батырлыклар белән таныштылар.

     Дөньяда беренче мәртәбә кешенең космоска оча башлавын билгеләп үтү йөзеннән СССР Югары Советы Президиумының 1962 елның 9 апрельдәге Указы белән 12 апрель Бөтендөнья авиация һәм космонавтика көне дип игълан ителде. 1961 елның 12 апрелендә СССРда, дөньяда беренче булып, кеше утырган корабль космоска очты.    Алданрак, 1957 елның 4 октябрендә җир шары тирәли җирнең ясалма иярчене җибәрелгән була. Юрий Гагарин утырган “Восток” корабле галәмгә очып, 108 минуттан Җир шарын әйләнеп кайтты.
       Ю.Гагаринның дублеры Г.Титов 1961 елның август аенда “Восток-2” кораблендә, А.Николаев 1962 елның августында “Восток-3”тә очып, җиргә әйләнеп кайттылар. 1964 елда К.Феоктистов очышта була. 1965 елның 18 мартында А.Леонов беренче мәртәбә очыш вакытында ачык космоска чыга, шул елны П.Беляев та космосны күреп төшә. Хатын-кызлардан беренче булып галәм киңлекләрендә 1963 елның июнендә “Восток-6” кораблендә Валентина Терешкова очыш ясый.

     Әлеге уңайдан ачык дәресләр үткәрелде. Укучылар космос турында белемнәрен ныгыттылар, викторина сорауларына җавап бирделәр.

6 нчы һәм 7 нче  класс укучылары "Сәламәтлек" марафонына кушылдылар. 

                   Бүген мәктәп линейкасында көрәш, шашка, шахмат, волейбол ярышларында җиңгән укучыларны бүләкләү тантанасы булды. Шулай ук , уку һәм тәрбия эшләре буенча нәтиҗә ясалды. Язгы ташу вакытында куркынычсызлык кагыйдәләре искәртелде. 

                     Шушмабаш мәктәбе спорт залында көрәш буенча ярышлар узды. Мәктәбебез көрәшчеләре Вәлиәхмәтов Әмир 1 нче урын, Вәлиәхмәтов Дияз 3 нче урынны алдылар. Команда беренчелегендә мәктәбебез 3 нче урында. Тренерлары Галиев Р.