79 ел элек Сталинград шәһәре немец гаскәрләреннән азат ителә. Сталинград сугышы- Бөек Ватан сугышында иң зур бәрелешләрнең берсе. Шул уңайдан "Сталинград сугышы" дип исемләнгән  Хәтер дәресе узды. Укучылар Сталинград сугышы турында мәгълүмат алдылар, анда катнашкан геройлар белән таныштылар.

            2022 нче ел Русия халыкларының мәдәни мирасы елы дип игълан ителде. Мәдәни мирас елы халык сәнгатен популярлаштыру, мәдәни традицияләре , тарихи һәм мәдәни һәйкәлләрне, барлык халыкларның мәдәни үзенчәлекләрен һәм Русиядә этник күптөрлелекне популярлаштыру максатыннан уздырыла. Мәктәптә әлеге темага багышланган күргәзмз ясалды.

                    Бүген Теләчедә 2005 нче елгы һәм аннан яшьрәк егетләр арасында Габдрахманова Р.А. призына көрәш буенча район беренчелеге булып үтте. Ярышларда Балык Бистәсе, Саба, Кукмара, Лаеш, Арча, Теләче районнарыннан 130 көрәшче катнашты. Анда "Арча" спорт мәктәбе көрәшчеләре дә уңышлы чыгыш ясап кайттылар. Мәктәбебезнең 9 нчы класс укучысы Вәлиәхмәтов Әмир 3 нче урынга лаек булды. Котлыйбыз! 

Технология дәресләрендә укучыларыбыз кулдан төрле эшләнмәләр ясарга өйрәнәләр.

               3 нче класста "Блокадалы икмәк" темасына класс сәгате үтте. Ленинград халкының куркыныч блокадасы, хәрби икмәк турында мәгълүмат алдылар. Әңгәмә ахырында әлеге темага рәсемнәр ясадылар. 

       Ленинград блокадасы өзелүгә 78 ел туту уңаеннан "872 көн һәм төн" дигән темага Хәтер дәресе үткәрелде. Ленинград шәһәре 1941 нче елның 1 нче сентябреннән 1944 нче елның 27 нче гыйнварына кадәр камалышта кала. Анда яшәүчеләр өчен иң авыр 872 көн була. Дәрестә камалышта калу тарихы искә төшерелде, фото һәм видеофрагментлар күрсәтелде. 

       "Кошларга  ярдәм итик" акциясе дәвам итә. Укучыларыбыз җимлекләргә ипи валчыклары, көнбагыш, арпа, бодай  ярмалары, пешкән дөге, туң май кисәкләре салып  өй бакчаларыбызга  элеп куйдылар.  Шуны онытмагыз! Кошларга кара ипи, тозлы сало, кыздырган көнбагыш бирергә ярамый, ул аларның сәламәтлегенә бик күп  зыян китерергә мөмкин.

                  Яңа Кенәр мәктәбендә Арча районы башлыгы призына милли көрәш буенча турнир узды. Әлеге ярышта мәктәбебез укучылары Валиахметов Дияз, Влиахметов Әмир, Губаев Алмаз 1 нче урынны яуладылар. Егетләрне чын күңелдән котлыйбыз. Киләчәктә уңышлар, тагын да зур җиңүләр телибез! Тренерлары Галиев Р.Ф. 

              2 нче класс укучылары мәктәбебездә узучы "Кошларга ярдәм итик" акциясендә актив катнаштылар. Кошларга төрле-төрле җимлекләр ясап алып килделәр.