23 февраль… Бу бәйрәмгә инде 95 елдан артык. 95 елдан артык инде кешелекнең иң көчле яртысы көч,түземлелек, патриотизм һәм мәрхәмәтлелек бәйрәмен билгеләп үтә. Нарва һәм Псков янында немец басып алучыларын җиңү хөрмәтенә 1918 елның 23 февралендә Кызыл Армия көне бәйрәмен билгеләп үтү турында декрет чыгарыла. Соңыннан бу бәйрәм Совет Армиясе һәм хәрби диңгез Флоты көне итеп үзгәртелә. Ә хәзер берничә ел инде Ватанны саклаучылар көне буларак билгеләп үтелә. Россиядә элек –электән үк Ватанны саклаучы иң хөрмәтле һәм изге профессия булып саналган. Ватанга хезмәт итү ул - ул халыкның тыныч тормышын саклау, үз иленең намусын саклау.

             Озынайтылган көн төркеменә йөрүче укучыларыбыз  әтиләренә матур һәм истәлекле бүләкләр ясадылар.

            15 нче февраль - герой шагыйрь , язучы Муса Җәлилнең тууына 116 ел. Шул уңайдан  "Син хәтердә безнең, Муса Җәлил" дип исемләнгән шигырь бәйгесе үтте. Укучылар Муса Җәлилнең тормыш юлы һәм иҗаты белән таныштылар, җырларын башкардылар, шигырьләрен сөйләделәр.Бәйге ахырында сәнгатьле итеп шигырь сөйләүче укучылар мактау грамоталары белән бүләкләнделәр.

                  Башлангыч класслар атналыгының икенче көне - "Сәламәт тәндә - сәламәт акыл" дип исемләнгән чара белән дәвам итте. Тематик башваткыч, тестлар чишкәннән соң, укучылар "Күңелле стартлар" да көч сынаштылар. "Сәламәтлек - иң зур байлык" девизы астында чара бик күңелле үтте.

Озынайтылган көн төркеменә йөрүче укучыларыбыз һәрвакыт үзләренең матур-матур кул эшләре белән сөендереп торалар.

               2012 елдан башлап даими рәвештә 14 февральдә Халыкара китап бүләк итү көне (International Book Giving Day) билгеләп үтелә. Әлеге көн балаларга китап бүләк итүчеләрне, нәниләрдә укуга мәхәббәт тәрбияләүчеләрне берләштерә.

Китап бүләк итү көне — дөнья күләмендә мөһим көн. Халыкара исеме белән йөртелүе моңа гына бәйле түгел, аны халык уйлап чыгарган. Дөресрәге — халык вәкиле — америкалы Эмми Бродмур. Без аны АКШта балалар китабының тәүге сайтын ачучы буларак ишетеп беләбез.

Укырга яратып та, теге яки бу сәбәпләр аркасында үзләре сатып ала алмаган балаларга китап бүләк итү бүген аеруча хуплана.

Китап бүләк итүне аерым бер көнне билгеләп үтелсә дә, хәзерге компьютер, интернет заманында балаларда укуга, китапка кызыксыну уяту һәрдаим эшләнеп торырга тиеш. Укучыларыбыз да әлеге эштән читтә калмады.

              Мәктәбебездә башлангыч сыйныфлар атналыгы башланып китте. Беренче көн - "Китап - белем чишмәсе" дип аталды. Укучылар китапларның барлыкка килү тарихы белән таныштылар, кызыклы сорауларга, табышмакларга җаваплар таптылар, шигырьләр сөйләделәр.

Сәламәтлек көне уңаеннан укучыларыбыз саф һавада рәхәтләнеп чана, чаңгы шуалар.

            2022 нче елның 10 февралендә  Россия һәм бөтен мәгърифәт дөньясы бөек рус шагыйре , күренекле драматург, әдәби тәнкыйтьче һәм рус сүзлегенә нигез салучы Алексндр Сергеевич Пушкинны искә алу көнен билгеләп үтә. Шул уңайдан укучылар белән шагыйрьнең  иҗаты турында әңгәмә үткәрелде, укучылар шигырьләрен укыдылар.

                Салкын кыш айларында безнең якларда кышлаучы кошларга ризык табу бик кыенга туры килә. Укучыларыбыз кошларга ярдәм итү йөзеннән әти-әниләре белән бергәләп матур җимлекләр ясап элделәр. Алар  һәр көн саен кошларга  җимнәр сибәләр, канатлы дусларыбызның  чөкердәшеп җим чүпләгәннәрен күзәтәләр. Кошларга ярдәм итә алу өчен без бик сөенәбез.