11 нче март көнне мәктәпнең спорт залында волейбол уеннары булып узды. Бу ярышта кызлар,егетләр,әниләр,әтиләр һәм мәктәпне тәмамлап чыгып киткән студент кызлар командалары катнашты. Уенны тренер Гатауллин Н.Ш. оештырды. Уен бик күңелле һәм мавыктыргыч барды.

Укучыбыз Валиахметов Дияз көрәш ярышларында Россия чемпионы исеменә лаеклы булды. Зур җиңүе белән чын күңелдән котлыйбыз. Молодец!

2023 нче елның 6 нчы мартында Яшь инспекторлар хәрәкәте отрядлары оешуга 50 ел тулды. Укучылар белән яшь инспекторлар отрядларының тарихы, килеп чыгышы белән таныштык. Юл йөрү кагыйдәләре буенча белемнәрне ныгыттык, уен-ярыш үткәрдек.

10 нчы март көнне Арча стадионында Гарафиев Фәнил Канафи улы истәлегенә чаңгы ярышы булып узды. Әлеге ярышта мәктәбебез укучылары һәм укытучылары актив катнашты.

                   Кадерле хатын-кызлар...

             Халыкара хатын-кызлар көне белән! Яз урамда гына түгел, күңелләрегездә дә чәчәк атсын, ә матурлыгыгыз тирә-юньдәгеләрне сөендерсен. Сезгә бәхет, иминлек һәм уңышлар юлдаш булсын. Сезнең барлык көннәрегез дә кояшлы, якты һәм истә калырлык булсын, гаиләләрдә татулык хөкем сөрсен, тормышларыгыз матур булсын. 8 Март белән тәбрик итәбез!

      Беренче тапкыр 1901 елның 8 мартында Америка хуҗабикәләре Чикаго урамнарына кастрюльләр һәм тазлар күтәреп чыга. Мондый үзенчәлекле ысул белән алар җәмгыять һәм хакимият игътибарын үзләренә җәлеп итәргә тели.Чарада катнашучылар сәяси хокукларның тигезләнүен, үзләренә карата хөрмәт, производствода эшләү һәм армиядә хезмәт итү мөмкинлеген таләп иттеләр. Җиде елдан соң бу таләпләр дәүләт күләмендә кабатлана.Шуннан соң АКШта хатын-кызлар көне игълан ителә.Халыкара хатын-кызлар көне Алман коммунисткасы Клара Цеткин исеме белән дә бәйле. Ул хатын-кыз реформатор дип санала. Ул 1910 елда Халыкара хатын-кызлар конференциясендә бөтен дөньяда эшләүче хатын-кызлар бердәмлеге көнен гамәлгә кую тәкъдимен чыгара.Россиядә хатын-кызлар көнен беренче тапкыр Петербургта 1913 елның 2 мартында билгеләп үтәләр.Россиядә хатын-кызлар көне рәсми рәвештә 2002 елда РФ Дәүләт бәйрәмнәре исемлегенә кертелде.

                                   Якынлашып килүче Халыкара хатын-кызлар бәйрәме уңаеннан мәктәбебездә бик матур бәйрәм концерты узды.

            Мамадыш районының Түбән Ушма авылында РСФСРның спорт мастеры Р.Я.Мөхәммәтшин истәлегенә багышланган "Ялкын" журналы призларына 2007-2008 елгы егетләр арасында көрәш буенча Татарстан Республикасы беренчелеге узды. Бу ярышта Арча районы командасыннан мәктәбебез укучысы Валиахметов Дияз катнашты. Дияз 1 нче урынны яулап, Татарстан чемпионы дигән исемгә лаеклы булды. Молодец! Котлыйбыз! Киләчәктә дә зур уңышлар теләп калабыз.

Начало празднику положили члены клуба литераторов и журналистов PEN. Его основали английские писатели Джон Голсуорси и Кэтрин Эми Доусон-Скотт. Название объединения является аналогом английского «ручка» и в то же время аббревиатурой от слов poets, essayists, novelists — «поэты, очеркисты, романисты». На 48-м съезде в 1986 году участники клуба предложили считать 3 марта Днем писателя, и праздник закрепился на международном уровне.

Таким образом в 2023 году торжество будет отмечаться в 37-й раз. Знаменательный день справляют во всех странах — участниках PEN: организация насчитывает более 130 филиалов в разных уголках планеты.

При этом у поэтов есть отдельный праздник 21 марта, журналисты также имеют собственную знаменательную дату 8 августа.

Бүген Социалистик Хезмәт Герое Галимова Дания Хадиҗан кызы турында 5-9 нчы сыйныф укучылары белән тәрбия сәгате үткәрелде. Балалар аның тормыш юлы, хезмәт эшчәнлеге белән таныштылар.

Бүген шагыйрь, журналист һәм публицист Рәфикъ Юныс (Рәфикъ Юныс улы Юнысов) туган көне. Шагыйрьне искә алу уңаеннан тәрбия сәгате үткәрелде. Дәрестә шагыйрьнең тормыш юлы һәм иҗаты турында мәгълүматлар бирелде. Рәфыйкъ Юныс 1943 елның 1 мартында Татарстан республикасының Арча районы Кәче авылында крестьян гаиләсендә дөньяга килә. Кәчедә – җиде сыйныф, Арчада урта мәктәпне тәмамлагач, ике елга якын туган авылы колхозында төрле эшләрдә эшли, биш ай чамасы Казанда төзелештә була. 1962–1965 елларда ул армиядә – стратегик ракета гаскәрләре составында хезмәт итә.
Армия сафларыннан кайткач, шагыйрь Казан дәүләт университетының журналистика бүлегенә укырга керә. Студент елларында университеттагы «Әллүки» әдәби берләшмәсенә һәм «Татарстан яшьләре» газетасы каршындагы әдәби түгәрәккә йөри. Университетның соңгы курсында укыганда, «Татарстан яшьләре» газетасы редакциясенә эшкә урнаша. Анда 1985 елга кадәр эшли. 1985–1991 елларда Рәфикъ Юныс Татарстан китап нәшриятында редактор, редакция мөдире, нәшриятның баш редактор урынбасары вазифаларын башкара. 1992–2004 еллар арасында ул – «Идел» журналы баш мөхәрриренең беренче урынбасары хезмәтендә. 2005 елның башыннан алып Рәфикъ Юныс «Казан утлары» журналы редакциясендә, шул елның сентябреннән – баш мөхәррир урынбасары булып эшли.
Беренче шигырьләре матбугатта уналты-унҗиде яшьләрендә үк күренгәләсә дә, шагыйрь әдәби иҗат эше белән утыз яше тулганнан соң гына җитди шөгыльләнә башлый. Беренче шигъри җыентыгы («Вакыт чылбыры») 1982 елда басылып чыга. Шуннан соң тагын берничә шигъри китабы дөнья күрә («Җирдә яшим», «Учтагы песнәк», «Сүнгән яшен», «Син һәм мин»). Шигърияттә ул – эзләнүчән, фикер һәм хис бирелешендә үзенчә индивидуальлеккә, каршылыклы интеллектуаль кичерешләренең тыгызлыгына омтылучан шагыйрь. Аның шигырьләрендәге лирик герой, тормышта һәм үз-үзендә гаделлек, хаклык, камиллек тоеп яшәргә тырыша.
Рәфикъ Юнысның «Татарстан референдумы» дигән китабы җәмәгатьчелектә киң яңгыраш таба. Китапны узган гасырның туксанынчы елларында татар халкының мөстәкыйльлек өчен алып барган көрәшенең документаль елъязмасы дияргә була.
Рәфикъ Юнысның журналист буларак милләт, сәясәт, татар тарихы темаларына күп кенә танылган шәхесләр белән тәфсилле әңгәмәләре дә кызыклы һәм бай эчтәлекле. Аңа шулай ук юмор-сатира жанры да ят түгел.
Ул – Татарстанның атказанган мәдәният хезмәткәре, Татарстан Язучылар берлегенең Гаяз Исхакый исемендәге әдәби бүләк иясе (2004).
Рәфикъ Юныс – 1986 елдан СССР (Татарстан) Язучылар берлеге әгъзасы.
2021 елның 19 гыйнварында Казанда вафат булды. Рәфикъ Юныс туган ягында – Арча районы Кәче авылында җирләнә.