Республика күләмендә математика фәненнән уздырылган олимпиадада җиңү яулаган 6Б сыйныфы укучысы Гарифуллина Энҗене (призер) котлыйбыз!(укытучысы Хәкимова Г.Х.)

Ватанны  саклаучылар көне уңаеннан 11 класс укучылары белән  “Батырлык нинди була?”  темасына тәрбия сәгате узды. Класс җитәкчесе тарих укытучысы Илнур Җәләев бу  бәйрәмнең тарихы белән таныштырды, армиядә хезмәт итүче чыгарылыш класс укучыларының фотоларына күзәтү ясады, аларның хәрби частьларын әйтте. Һәркемдә зур горурлык хисе туды, төрле сорауларга җаваплар  эзләделәр, видеоязма карадылар.Тыныч тормыш шартларында  да зур батырлыклар эшләп булачагына инандылар.

Хөрмәтле әти-әниләр, укучылар!

21 нче февраль көнне, 11.00 сәгатьтә, гимназия мәйданчыгында Шәрыкъ бистәсендә яшәүче халык белән берлектә Ватанны саклаучылар көненә багышлап мәдәни-спорт чарасы оештырыла. Әлеге Зур бәйрәмдә укучылар, өлкәннәр, яшьләр, теләге булган һәркем катнашачак. Программада:

1.       Төрле спорт бәйгеләре: канат тарту, чанада шуу, гаилә эстафетасы, капчык киеп йөгерү, таяк тартышу, шорт-трек, хоккей ярышы.

2.       Конкурслар: җыр, бию, шигырь; пневматик автоматтан ату, сүтү, җыю күнекмәләре; “Безнең урам тарихы”, юмор, сәнгатьле сөйләм; флеш-моб; чаңгы ярышы.

3.       Кыр кухнясы:

-солдат боткасы;

-коймак белән чәй.

Безнең белән рәхәтләнеп күңел ачыгыз, ял итегез! Гимназиябезгә рәхим итегез!

 Гимназия  базасында "Ел укытучысы- 2016" конкурсының  муниципаль турында тарих укытучысы Әхмәтханова Г.Г. катнашып “Иң креатив класс җитәкчесе” номинациясендә җиңү яулады, психолог Сафина З.Ш. уңышлы   чыгыш ясап  2 урын алды. Котлыйбыз!!!

Һөнәр сайлау максатыннан гимназиябездә 9-нчы сыйныф укучылары белән берлектә Г. Тукай исемендәге Әтнә авыл хуҗалыгы техникумы укытучысы Рамил Наил улы белән очрашу булды. Укучылар техникумда уку, тору шартлары белән таныштылар. Экономика, инженерия, ветеренария, поварлык  белгечләре әзерляү курслары барлыгы турында мәгълүмат алдылар. Студентлар тормыш белән кызыксындылар. Әтнә авыл хуҗалыгы техникумының бөтен  төр  тармакларын  чагылдырган видеоязма карадылар, үзләрен кызыксындырган сорауларга җавап таптылар. Соңыннан  һәр укучыга техникум турында  мәгълүмәти – буклетлар тапшырылды.

2001 нче елгы һәм зуррак укучы балалар арасында хоккей ярышында Федерация кубогына Арча районы мәктәпләре арасында гимназия командасы 1 урынны алды. Командада катнашты: Хәйруллин Солтан – 9а, Бәдриев Ильяр – 8б, Хисматов Илнур -9а, Җәләев Инсаф – 9а, Гәрәев Инсаф -9б, Минһаҗев Руслан – 11б, Ибатуллин Адель – 10а, Акбиров Данил – 6А, Мухаметшин Ранил – 7б, Сабиров Руслан – 7а, Габдрахманов Илфат – 8б. Котлыйбыз, уңышларыгыз белән горурланабыз!

2002 нче елгы һәм кечерәк укучы балалар арасында хоккей ярышында Федерация кубогына Арча районы мәктәпләре арасында гимназия командасы 3 урынны алды. Котлыйбыз !!!

Командада катнашты: Акбиров Данил- 6а, Зайнаков Эмиль- 4б,Измайлов Эмиль – 5а, Зиннатов Инсан – 5б, Мухаметшин Ранил – 7б, Искәндәров Рәсим – 7в, Кашапов Тимур – 5б, Яппаров Рөстәм – 7в, Мухамедьяров Рамил – 7а, Гарипов Ислам -8а, Аминов Илнар – 5б.

Һөнәри тәрбия бирү максатыннан 9 нчы сыйныф укучылары Арча агросәнәгать һөнәри көллиятендә Ачык ишекләр  көнендә катнашты. Укучылар көллиятнең укыту бүлмәләре, хезмәткә өйрәтү базасы белән танышты. Студентларның җанлы тормышы, алар кайнаган белем дөньясы, тулай торактагы яшәешләре аша бүгенге мәктәп укучысы, ә киләчәктә һөнәрле булырга теләүчеләр өчен ныклы карарга килергә зур этәргеч булды.

Район күләмендә зона буенча "Аҗаган - 2016" патриотик уенында 5 нче Арча гимназиясе командасы 4 урынга лаек булды. "Снайпер", "Көч" күнегүләрендә җиңеп грамоталар белән бүләкләнде. Котлыйбыз!!!