Ученик 10а класса Шамсутдинов Ришат прошел во второй этап конкурсного отбора в профильную смену Русского географического общества в Международный детский центр "Артек". Поздравляем!

29 апрельдә Арча балалар сәнгате йортында ана теле һәм әдәбияты укытучыларның "Туган тел - 2016" бәйгесе уздырылды. Бу бәйге Татарстан Республикасы мәгариф һәм фән министрлыгы тарафыннан "2014-2020 елларга Татарстан Республикасы дәүләт телләрен һәм ТР ында башка телләрне саклау, өйрәнү һәм үстерү буенча ТР Дәүләт программасын" гамәлгә ашыру максатында үткәрелә. Ул иҗади эшләүче укытучыларны барлау, аларның хезмәтен бәяләү, ана теле һәм әдәбияты укытучысының педагогик эшчәнлеген активлаштыру, укытуның нәтиҗәлеген тәэмин итәрдәй заманча технологияләрне куллану осталыгын үстерү максатыннан оештырыла. Бәйгенең 1 турында 33 укытучы катнашты. Бәйгедә иң күп балл җыйган укытучылар конкурсның икенче турына узды. Бүгенге бәйгедә районның иң көчле, иҗади, алдынгы укытучылары көч сынашты. Укытучылар үзләре, һөнәри эшчәнлекләре белән таныштырдылар. Г.Тукай әсәрләрен сәхнәләштерделәр, осталык дәресләрен тәкъдим иттеләр. Берсеннән-берсе матур чыгышлар, яңа идеяләр, заманча укыту һәм тәрбия ысуллары, сәхнә осталыгы белән кабат сокландырдылар татар мөгаллимнәре. Туган телгә, туган җиргә булган тугрылыклары, һөнәри осталыклары, иҗади хезмәтләре һәм балаларга булган чиксез мәхәббәтләре белән шаккатырдылар алар. Туктаусыз һөнәри үсештә булулары, бетмәс энергия һәм чиксез сабырлыклары белән хөрмәт уяттылар. Ниһаять, "Туган тел - 2016" бәйгесе җиңүчеләре билгеле! Гимназиябезнең татар теле һәм әдәбияты укытучысы Сабирова Алсу Госман кызы 4 урынны яулады. Хөрмәтле Алсу Госман кызы! Сезне чын күңелебездән зур җиңүегез белән котлыйбыз! Сезгә киләчәктә дә зур уңышлар, яңа үрләр, гаилә бәхете, нык сәламәтлек, чиксез шатлык-куанычлар телибез!

29 апрель көнне гимназия базасында Бөек Җиңүнең 71 һәм Г.Тукайның 130 еллыгына багышлап, ООО "Арск.Мед" призына (ярыш спонсоры Гыйләҗиев Р.Ф.) Арча муниципаль җыелма командаларының яшүсмерләре арасында баскетбол ярышы булып узды. 1 урында - 1 нче номерлы мәктәп, 2 урында - 5 нче гимназия, 3 урында - 2 нче номерлы мәктәп. Котлыйбыз!

Арча урамнарыннан үткәндә һәрберебез чисталыкка сокланып уза. Шәһәребезне чистарту, төзекләндерү өчен оешмалар, предприятиләр, уку йортлары зур өлешен кертәләр.

Шәһәребезне чиста тоту - барыбызның да изге бурычы! 

Җир Хартиясе принципларын тормышка ашыруга 15 ел тулу уңаеннан гимназиябездә "Җир Хартиясе принципларын тормышка!" исемле Бердәм дәрес уздырылды. Дәрестә 8-10 класс укучылары катнашты. Шулай ук башлангыч класс укучылары өчен "Планетабызны саклыйк" темасына класстан тыш чара уздырылды. 5-6 класс укучылары белән "Җиребезгә куркыныч яный" дигән викторина уздырылды. Гимназиябез фойесында "Татарстанда җир хартиясенә 15 ел" дигән тема астында күргәзмә оештырылды. Чараларны география укытучысы Хөсәенова Н.Г. оештырды. Әйләнә-тирә мөхитебезне бергәләп сакларга өйрәник!

Г.Тукайның 130 еллыгы уңаеннан оештырылган чараларда Зур Бирәзә, Урта Бирәзә башлангыч мәктәбе укытучылары һәм укучылары зур әзерлек белән катнаштылар. "Без Тукай варислары" исемле район конкурсында Зөбәерова Зилә сәнгатьле шигырьсөйләм номинациясендә 3 урынга лаек булды. Укытучысы Нуриәхмәтова Р.Ә. Котлыйбыз!

Учащиеся 9-х классов приняли участие в молодежной конференции на тему "Противодействие идеологии экстремизма в образовательной среде", которая состоялась в Арском филиале ЧОУ ВО "Академия социального образования", где высказывали свою точку зрения в ходе обсуждений.

Педагог-организатор Абдуллина Г.Р. провела общероссийскую акцию по поддержке российского движения школьников "Посади дерево "РДШ".

Район күләмендә уздырылган “Без – Тукай варислары” исемле шигырь бәйгесе 5 нче гимназиядә узды. Бәйге 3 төркемдә алып барылды. 1 төркемдә 1-4 класс укучылары чыгыш ясады, 4 нче класс укучысы Зиннатова Алия 1 нче урынга лаек булды. (укытучысы Галимова С.А.), Зур Бирәзә башлангыч мәктәбеннән 3 нче урынга Зөбәерова Зиля лаек булды (укытучысы Нуриәхмәтова Р.Ә.), 2 төркемдә 5-8 класс укучылары чыгыш ясады. 5 нче класс укучысы Исмәгыйлев Азат 3 нче урынга лаек булды (укытучысы Рафикова Ә.Ф.). 3 төркемдә 9-11 класс укучылары чыгыш ясады. 11 нче класс укучысы Галимуллина Гөлия 3 нче урынга лаек булды (укытучысы Гыйниятова Г.Р.). Котлыйбыз! Әлеге бәйрәм кичәсен сәхнәгә гимназиянең татар теле һәм әдәбияты укытучылары, укучылары куйды. Зур рәхмәт!

С течением времени величие творчества Габдуллы Тукая, его глубокий смысл раскрываются все глубже.. Cегодня на базе МБОУ- Арской гимназии №5 состоялся большой праздник - конкурс чтецов «Мы – наследники Тукая», посвященный  130-летию со дня рождения великого татарского поэта. Учащиеся школ Арского муниципального района показали большое мастерство, воспевая творчество поэта.  Любовь ко всему прекрасному, к поэзии, к малой родине  прививается с детства. Мы гордимся талантами наших детей и говорим огромное спасибо учителям,  прививающим  молодому поколению искреннюю  любовь к поэзии. 1 место в конкурсе заняла  Зиннатова Алия, учащаяся МБОУ – Арской гимназии №5, 2 место – Хабибуллин Надир, 3 место – Гатин Альмир,  учащиеся  МБОУ «Хасаншаихская основная общеобразовательная школа». МОЛОДЦЫ!!!