Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ашитбаш, улица Пионерская, дом 34 |
Телефон: | +7(843)-669-02-28 |
E-Mail: | Sab.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ "Ашитбашская СОШ имени Г.Тукая" |
Руководитель: | Кавиева Рамиза Раисовна |
Год основания учреждения: | 2004 |
У нас учатся: | 62 обучающихся \ Бездә укыйлар: 62 укучы |
У нас учат: | 18 учителей \ Бездә укыталар 18 укытучы |
Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе - новости
Страницы: << 261 262 263 264 265 266 267 268 ( 269 ) 270 >>
-
Белдерү
16.04.2015
17 апрель көнне Ашытбаш мәдәният йортында , Бөек Җиңүнең 70 еллыгы һәм Әдәбият елы уңаеннан , Ашытбаш урта мәктәбенең иҗат концерты була .
Башлана: 18.30 сәгатьтә. Рәхим итегез!
-
Казан федераль университетында тантаналы чара
15.04.2015
Россянең иң зур фәнни уку- укыту комплексларыннан берсе булган Казан федераль университетының тарихи бинасында регионара предмет олимпиадаларының җиңүчеләрен һәм призерларын бүләкләү тантанасы узды.Укучыларны университет бинасы белән таныштырдылар, тарих һәм хокук музейларына экскурсия оештырдылар. Искиткеч тарихы һәм бөек галим-мөгаллимнәре булган диварлар кысасында үткән чара кемнең генә күңелләрен дулкынландырмады икән! Тантаналы чарада җиңүчеләрне уку йортының җитәкчеләре һәм галимнәре тәбрикләде. Мәктәбебезнең 11 нче сыйныф укучысы Әүхәдиева Айсинә татар теленнән җиңүче булып I дәрәҗә диплом белән бүләкләнде һәм истәлекле бүләккә лаек булды. Аны чын күңелебездән тәбрик итәбез!
-
Родительское собрание
14.04.2015
В среду, 22.04.15, в 3 классе состоится родительское собрание на тему: «Выбор модуля курса ОРКСЭ». На собрание приглашаются родители учащихся 3 класса.
-
Космонавтика көне
14.04.2015
12 апрель - Космонавтика көне. 1961 нче елның 12 апрелендә беренче булып, бортына кеше утырган космик корабль орбитага оча.. Ул - очучы Юрий Алексеевич Гагарин була. Шушы истәлекле дата буенча Кысна башлангыч мәктәбендә тәрбия сәгате үткәрелде. Өйдә 3 нче сыйныф укучысы чыгыш, 1-2 нче сыйныф укучылары рәсем әзерләп килгәннәр иде.
-
12 апрель-космонавтика көне
13.04.2015
1961 нче елның 12 нче апрелендә дөньякүләм зур вакыйга булды. Безнең Ватандашыбыз Ю.А.Гагарин космоска юл салды. Ул Җиребезне 108 минут эчендә урап узып планетабызның матурлыгын космостан күзәтте. Юрий гагарин аркасында СССР космосны яулаган милләт буларак танылды. Шушы истәлекле дата уңаеннан, мәктәбебездә, 11-13 апрель көннәрендә Космонавтика көненә багышланган чаралар үткәрелде. Классларда тәрбия сәгатьләре, “Кеше-галәмдә! Галәмдә-кеше!” дигән викторина, әңгәмәләр узды. Ю.А.Гагаринның тормыш юлы сөйләнелде, аның галәмгә сәяхәт вакыты турында видеофильм күрсәтелде. Укучылар Ю.А.Гагарин, Г.С.Титов, А.Г.Николаев, П.Р.Попович, В.В. Терешкова һ.б. космонавтлар турында да мәгълүматлар тупладылар.
-
"Яшел аптека"
12.04.2015
Укучыларга сыйфатлы белем бирү белән беррәттән мәктәбебездә хезмәт тәрбиясенә дә зур игътибар бирелә. Язгы каникул вакытында “Яшел аптека “ операциясендә катнашып дару үләннәре җыюны башлап җибәрдек. Укучыларыбыз каен һәм нарат бөреләре җыялар, каен бөресе буенча мәктәбебезгә бирелгән норма үтәлде. Бүген 7 класс укучылары нарат бөресе җыярга бардылар. Бердәм эшләү укучыларда оешканлык, активлык тәрбияли.
-
Акция “Будь готов, скажи нет”
12.04.2015
Бүген “Мөстәкыйль балалар “ группасындагы укучылар чираттагы акцияне үткәрделәр. Акциянең максаты - сәламәт яшәү рәвешен пропагандалау, җирлектәге халыкны яман гадәтләргә каршы торырга өндәү, законнар белән таныштыру. Акция вакытында укучылар җәмәгать урыннарында халык белән очрашып, “ Сез законны беләсезме? ” исеме астында викторина үткәрделәр, имзалар җыйдылар.
-
“Сугыш чоры балалары”
11.04.2015
Бөек Җиңүнең 70 еллыгы якынлаша. Сугыш ... Берәү дә бу кайгы-хәсрәттән читтә кала алмаган. Ашытбаш авылы халкы да йөзләгән ир-егетләрен дәһшәтле сугышка озаткан. Аларның күбесе туган нигезләренә әйләнеп кайта алмаган. Шул елларда авыл халкы ниләр кичерде икән? Менә шушы сораулар безне һәрвакыт уйланырга мәҗбүр итә. Шуңа күрә без истәлекләр тупларга уйладык. Сугыш чоры балалары белән очрашулар, аларның хатирәләрен туплау эше дәвам итә.
-
Апрель ае – әдәбият һәм Тукай айлыгы
11.04.2015
Апрель ае - әдәбият һәм Тукай айлыгы.Айлык кысаларында ачык дәресләр һәм класстан тыш чараларның планы төзелде.
11 нче сыйныфта (укытучы укытучы Әүхәдиева М.Р.) Ә. Еникинең "Мәк чәчәге" әсәре буенча ачык дәрес уздырылды. Дәрескә зур корбаннар бәрабәренә яуланган Бөек Җиӊү һәм аныӊ каһарманнарын без онытырга тиеш түгел дигән тәрбияви максат куелган иде. Дәрестә Сингапур стркутурасы элементлары, фронталь эш, төркемнәрдә эш, парларда эш формалары кулланылды.Укучылар әдәбият теориясе буенча белемнәрен ныгыттылар, әсәргә тулы анализ ясадылар.Теманы ачуда рус әдәбияты, тарих фәннәре белән предметара бәйләнеш булдырылды.
-
Ачык дәрес
10.04.2015
10 нчы апрель көнне, география атналыгы кысаларында, Г.Х.Гыйззәтуллина 7 нче класста “Төньяк Американың эчке сулары” темасына ачык дәрес үткәрде. Дәрестә материкның эчке сулары торышына анализ ясалды, үстерешле укыту, уен, компьютер технологияләре, Сингапур структурасы элементлары кулланылды. Дәрестә күп эш төрләре башкарылды, һәр этап бер-берсенә бәйләп алып барылды. Укучылар картаны яхшы белүләрен, дәресләргә зур кызыксыну белән йөрүләрен күрсәттеләр.