Бүген мәктәптә ата-аналар җыелышы үткәрелде. Җыелышта мәктәпнең яңа уку елына әзерлеге, туклануны оештыру, мәктәпнең эчке тәртип кагыйдәләре, түгәрәкләр һәм спорт секцияләре , консультацияләр графигы хакында  мәгълүмат бирелде.Шулай ук грипп профилактикасы,   укучыларның хокук бозуларны кисәтү, 22.00 сәгатьтән соң урамда йөрмәскә тиешлеге хакында искәртелде. Суицид профилактикасы, ышаныч телефоны турында әйтелде.Икенче көн тәртибендә укучыларның социаль челтәрләрдә, нинди сайтларда утыруларын, кемнәр белән аралашуларын әти-әниләр контрольдә тотарга тиешлеге ассызыкланды.  Әлеге темага видеороликлар курсәтелде. Шулай ук укучыларның гомерен иминиятләштерү  максатыннан Росгосстрах һәм Наско иминиятләштерү кампаниясеннән агентлар чыгышы тыңланды.Җыелыш кабинетларда класс җыелышлары булып дәвам итте. Җыелышка ата-аналарның күп булып килүе, балаларының укуына, тәртибенә битараф булмавы коллективны сөендерде.