Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ашитбаш, улица Пионерская, дом 34 |
Телефон: | +7(843)-669-02-28 |
E-Mail: | Sab.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ "Ашитбашская СОШ имени Г.Тукая" |
Руководитель: | Кавиева Рамиза Раисовна |
Год основания учреждения: | 2004 |
У нас учатся: | 62 обучающихся \ Бездә укыйлар: 62 укучы |
У нас учат: | 18 учителей \ Бездә укыталар 18 укытучы |
Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе - новости
Страницы: << 191 ( 192 ) 193 194 195 196 197 198 199 200 >>
-
День молодежного служения
21.04.2017
21 апреля в России ежегодно отмечается День молодежного служения, с целью признания вклада молодежи в решение проблем общества посредством молодежного, добровольного служения. В рамках Всероссийской акции "Весенняя неделя добра" учащиеся нашей школы организовали помощь сельской библиотеке. Ребята помогли восстановить книги , пообщались с работниками культуры. За круглым столом поговорили об экологических проблемах нашего села.
-
Ветеран укытучы дәрес бирә.
21.04.2017
Укытучы! Кем генә бу исемне зур хөрмәт белән телгә алмый икән? Һәркайсыбызның иң матур хәтирәләре, шатлык-борчулары, беренче дулкынланулары нәкъ менә мәктәп һәм укытучы белән бәйле. Беренче тапкыр мәктәп бусагасын атлап кергән көннән алып, бала белән янәшәдә аның укытучысы атлый. Бүген галим дә, ташчы да , иген үстерүче дә аның олы исеме алдында баш ия, чөнки теләсә нинди һөнәргә юл башы укытучының фидакарь хезмәте нәтиҗәсендә салына . Ул дөньядагы барлык матур сыйфатларны үзенә туплаган. Киң күңеллелек, тырышлык, балаларга чиксез мәхәббәт, намуслылык… Андагы сабырлык- аналар сабырлыгына тиң. Әнә шундый абруйлы укытучыларыбызның берсе - 40 елга якын гомерен башлангыч сыйныфларны укытуга багышлаган, “Россия Федерациясенең белем бирүдәге мактаулы хезмәткәре” дигән күкрәк билгесенә лаек булган, күп санлы мактау грамоталары белән бүләкләнгән мөхтәрәм укытучы Гайнетдинова Нурисә Нурислам кызы. Аның бөтен гомере мәктәп, балалар, киләчәк өчен лаеклы алмаш үстерүгә багышланган. Лаеклы ялда булуына карамастан, Нурисә Нурисламовна мәктәп белән тыгыз элемтәдә яши. Бүген ул, яшьлек елларын искә төшереп, 3 нче сыйныф укучылары белән әдәби укудан ачык дәрес бирде. Укытучы һөнәре гомер – гомергә мактаулы һәм шул ук вакытында авыр хезмәтләрдән саналды. Үзеңнең тәҗрибәңне әле мөстәкыйль тормышка аяк басып кына килүче яшьләргә тапшыра белү – ул талант.
-
Бүген - Җирле үзидарәләр көне.
21.04.2017
21 нче апрель көнне тагын бер матур бәйрәм барлыкка килде. Бүген - Җирле үзидарәләр көне. Шул уңайдан, җирле үзидарә җитәкчесе белән очрашу булды. Аларны бәйрәмнәре белән котлап, алда торган бурычлар, планнар турында әңгәмә кордык. Шулай ук очрашуда авыл хуҗалыгы җитәкчеләре катнашты."Авылның бүгенгесе һәм киләчәге" дигән темага матур, җылы һәм кирәкле сөйләшү булды.
-
«Добровольцы – детям»
20.04.2017
Без, 8нче сыйныф укучылары, мөмкинлекләре чикләнгән сыйныфташыбыз Галәветдинов Р. янында булдык. Аңа үз кулыбыз белән ясаган бүләкләребезне тапшырдык. Мәктәп тормышындагы яңалыклар белән таныштырдык. Соңыннан ике командага бүленеп, “Яшь географлар” исеме астында уен-ярыш үткәрдек.
-
“ Доброволец в центре информации”
18.04.2017
18 нче апрельдә 11 нче сыйныф укучылары белән “ Доброволец в центре информации” темасына класс сәгате уздырылды.Укучыларга электрон хезмәт күрсәтү, аның өстенлекләре, вакытны экономияләү һәм тормышны җиңеләйтү ягыннан уңай яклары турында аңлатылды.Укучылар да ярдәм кирәк булган өлкән кешеләргә, туганнарына бу турыда(өйдән чыкмыйча гына табибка язылу, пенсиядәге үзгәрешләрне белү,һ.б. ) аңлата алачак.
-
"Добровольцы пожилым"
17.04.2017
Бүген 5, 7 класс укучылары Гайфуллина Нүрисә апаның хәлен белергә бардылар. Нүрисә апа үзенең балачак, яшьлек хәтирәләре белән уртаклашты, сугыштан соңгы авыр еллар турында сөйләде. Балалар үзләрен кызыксындырган сорауларын бирделәр, бергәләп фоторәсемнәр карадылар.
- 13 апрель көнне участок инспекторы Рәхимҗанов Р.Г. белән очрашу узды. Ул теракт, куркынычсызлык кагыйдәләре турында сөйләде. Шулай ук юл йөрү кагыйдәләрен искә төшерде. Язгы чорда пожар куркынычсызлыгы буенча аерым тукталды. 16.04.2017
-
«Язгы мәрхәмәтле эшләр эстафетасы» башланды.
15.04.2017
15 нче апрельдән алып 25 апрельгә кадәр “Язгы мәрхәмәтлелек атналыгы” старт алды. Шушы атналык кысаларында мәктәбебез укучылары авылда ялгызы яшәүче әби-бабайларга ярдәм итте.
-
VI Республикакүләм Габдулла Тукай укулары
14.04.2017
Габдулла Тукайның 131 еллык юбилее уңаеннан, яшь буынга рухи-әхлакый тәрбия бирүдә әдипнең тормыш юлын өйрәнүне һәм иҗатын пропагандалау максатыннан, Татарстан Республикасында Экология һәм иҗтимагый киңлекләр елы уңаеннан VIРеспубликакүләм Габдулла Тукай укулары үткәрелде.14 нче апрель көнне узган Габдулла Тукай укуларында республика мәктәпләреннән килгән 83 укучының эше тыңланды. Укучыларыбыз 5 төрле номинациядә үзләренең хезмәтләрен якладылар. Габдулла Тукай укуларына килгән укучылар бөек Тукаебызның тормыш юлын, әдәби мирасын тирәнтен белүләрен, аны яратуларын расладылар. Татарстан Республикасы Мәгариф һәм фән министрлыгы вәкилләре, Казан (Идел буе) федераль университеты галимнәре, күренекле журналистлар һәм язучылар, Казандагы Г.Тукай музее хезмәткәрләре, Арча музейлары хезмәткәрләре катнашында төзелгән жюри укучыларның фәнни һәм иҗади эшләренә югары бәя бирде. Җиңүче укучыларга дипломнар һәм кыйммәтле бүләкләр тапшырылды. Безнең мәктәптән бу укуларда Хәбибуллина Хәния һәм Гарифуллина Айгөл катнашты. Хәбибуллина Хәния 2 нче урынга лаек булды. Җиңүчеләрне чын күңелдән котлыйбыз, киләчәктә дә уңышлар телибез.
-
Башлангыч класслар укытучылары семинары
12.04.2017
12 нче апрель көнне Г.Тукай исемендәге Ашытбаш урта гомуми белем мәктәбендә “Кече яшьтәге мәктәп укучыларының белем дәрәҗәсенә контроль һәм бәяләү системасының компоненты буларак региональ мониторинг ” темасы астында республика күләмендә башлангыч класслар укытучылары семинары булды.
Семинар мәктәп белән танышудан башланып китте, иртәнге чәйдән соң укытучылар ачык дәресләргә таралдылар. Башлангыч класс укытучылары Тахавиева Г.М 1 класста математикадан “5 санын берурынлы саннарга кушу”, Хәбибуллина Р.Р. 2 класста әдәби укудан “Үз иркеңә оч, зәңгәр күкне коч. Р. Вәлиеваның “Шатлык кыз” хикәясен уку” дигән темага, Ибраһимова Л.Ф. 3 класста татар теленнән “Җөмлә” темасын кабатлау” , Фатихова С.Д. 4 класста математикадан “Мәйданны палетка ярдәмендә табу” темасына ачык дәрес күрсәттеләр.
Семинарда Акчишмә филиалы укытучылары да актив катнашты. Алар азкомплектлы мәктәптә укыту тәҗрибәсе белән уртаклаштылар. Сабирҗанова Х.Ф. 1- 3 классларда литературное чтениедән, Гарифуллина Ф.Р. 2-4 классларда татар теленнән ачык дәресләр үткәрделәр.
Дәресләрдә укытучылар үзләренең осталыкларын, эш алымнарын күрсәттеләр. Математика дәресләрендә укытучылар алган белемнәрен тормышта кулланырга өйрәнсәләр, әдәби уку, татар теле дәресләрендә оста сөйли, үз фикерләрен әйтә белүләрен расладылар.
Рахматуллина Р.Р., Әхмәтгалиева Ә.К., Абдуллаҗанова Г.Г. “Туган җирем, синнән алам, мәңге сүнмәс яшәү көчен!” исемле әдәби-музыкаль кичә тәкъдим иттеләр. Әлеге чара кунаклар тарафыннан җылы кабул ителде.
Соңыннан түгәрәк өстәл артында сөйләшү булды. Мәктәп директоры Кавиева Рәмизә Рәисовна мәктәп тормышы, укучылар һәм укытучыларның уңышлары турында сөйләде. Арча, Саба, Балтач районнарыннан килгән укытучылар семинарга анализ ясадылар. Дәресләрнең ФДББС таләпләренә туры китерелеп , төрле эш алымнары кулланып, заманча һәм тәрбияви итеп оештырылуы турында сөйләделәр. Бу семинардан үзләренә күп мәгълүмат һәм җылы тәэсирләр алып китүләре турында әйттеләр. Семинарны оештыручы мәктәп директоры Кавиева Рәмизә Рәисовнага үзләренең рәхмәтләрен җиткерделәр.