Сезне елның иң күркәм, иң олы бәйрәмнәреннән берсе - Укытучылар көне белән котлыйбыз! Эшегездә иҗади уңышлар, бетмәс-төкәнмәс яшәү көче, нык сәламәтлек, сабырлык, гаилә бәхете телибез. Сез-кешелек дөньясы туплаган гыйлемнәрне буыннан буынга тапшыручы, үткәннәр белән киләчәкне тоташтыручы иң кирәкле кешеләр. Һәр дәресегез –яңа ачыш, һәр сүзегез - кыйммәтле хәзинә булып калсын, акыллы киңәшләрегез балаларга гомер буена җитәрлек терәк булсын. Шәкертләрегезнең  җылы карашларын, хөрмәтен тоеп, авыр, ләкин абруйлы хезмәтегездән ямь табып, сәламәтлектә, муллыкта,бәхеттә,  куанып яшәгез.  

 Сезне Өлкәннәр көне белән чын күңелдән котлыйбыз. Сезгә ныклы сәламәтлек,  чиксез шатлык, балаларыгызның, оныкларыгызның  игелеген күреп яшәвегезне телибез!

     Заман авырлыкларына бирешмичә илебез уңышы өчен көчегезне кызганмагансыз. Куйган хезмәтләрегез, кылган изгелекләрегез өчен рәхмәт сезгә!
      Без, яшьләр, сезнең киңәшләрегездән тайпылмабыз, үрнәк булырга тырышырбыз. Саулык-сәламәтлектә, дөньяга ямь биреп яшәгез, урыннарыгыз өйнең түрендә булсын!
      Бәйрәмегез белән!

27 нче сентябрь көнне Г.Тукай исемендәге Ашытбаш урта гомуми белем  мәктәбенең башлангыч профсоюз оешмасы рәисе Г.В.Шәйхетдинова “Профсоюз дәресләре атналыгы” кысаларында 10-11 нче сыйныф укучылары өчен “Нәрсә ул профсоюз?” исеме астында класс сәгате үткәрде. Ул укучыларга профсоюз оешмасының нәрсәгә кирәклеген аңлатты, профсоюз ярдәмендә эшчеләрнең хокукларын яклап булуы (хезмәт шартлары, хезмәткә түләү, чираттагы ял, торак, материаль ярдәм, юллама, хезмәт тәртибе һәм дисциплинаны тәртипкә салу һ.б. ), кирәк вакытта юридик ярдәм һәм консультация алырга мөмкинлек турында сөйләде.