Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ашитбаш, улица Пионерская, дом 34 |
Телефон: | +7(843)-669-02-28 |
E-Mail: | Sab.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ "Ашитбашская СОШ имени Г.Тукая" |
Руководитель: | Кавиева Рамиза Раисовна |
Год основания учреждения: | 2004 |
У нас учатся: | 62 обучающихся \ Бездә укыйлар: 62 укучы |
У нас учат: | 18 учителей \ Бездә укыталар 18 укытучы |
Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе - новости
Страницы: << 181 182 183 ( 184 ) 185 186 187 188 189 190 >>
-
Мәктәп яны бакчасында
02.08.2017
Мәктәп яны тәҗрибә участогында эш дәвам итә. Эш план нигезендә алып барыла. Укучыларыбыз график буенча чиратлап бакчада хезмәт куялар. Укучылар су сибәләр, чәчәклекне йомшарталар, чүптән арындыралар, карлыгын-кура җиләге җыялар. Тырышлыкның нәтиҗәсе күңелле: бакчабыз аллы-гөлле чәчәккә күмелгән, яшелчә уңышы да мулдан күренә.
- Мәктәп яны тәҗрибә участогында карлыган уңышын җыеп, кышка әзерләү эшләре бара. 31.07.2017
- Бүген уку елына әзерлекне тикшерү максатыннан, мәгариф бүлеге, янгын күзәтчелеге бүлеге һәм санэпидстанция белгечләреннән торган комиссия мәктәбебездә булды. Яңа уку елы башланыр алдыннан мәктәпләрнең әзерлеген тикшерүдә балаларның хәвефсезлеген тәэмин итү төп таләп итеп карала. Комиссия мәктәбебезнең яңа уку елына әзерлеген тикшереп, яхшы бәя куйды. 26.07.2017
-
Чәчәкләр арасында
11.07.2017
Хэзерге вакытта мэктэп яны тэжрибэ участогында укытучы Файзуллина Ф.житэкчелегендэ эш алып барыла. Укучылар чэчэк араларын йомшарталар, чуплэрдэн арындыралар.
-
Кышка витамин
05.07.2017
Мәктәп яны тәҗрибә участогында нинди төрдәге җиләк-җимеш кенә үсми. Инде беренче җиләкләр – викторияләр дә олгереп килә.
-
Бакчада
03.07.2017
Мәктәп яны тәҗрибә участогында эш дәвам итә. Бүген укытучы Г.В.Шәйхетдинова җитәкчелегендә кәбестә төпләренә өелде.
-
Инде традициягә әйләнгән Дан аллеясында йолдызлар кабыну көнен чыгарылыш сыйныф укучылары ел саен көтеп ала
03.07.2017
-
Мәктәп яны тәҗрибә участогында эш дәвам итә.
29.06.2017
Мәктәп яны тәҗрибә участогында эш дәвам итә. Кече яшьтән укучылар практик күнекмәләр алалар, хезмәткә өйрәнәләр. Эш план нигезендә алып барыла. Алдагы атнада укучылар дежур укытучы Гыйззәтуллина Г.Х. җитәкчелегендә кишер һәм чөгендер түтәлләрен сирәкләделәр, чүптән арындырдылар.
-
Изге Болгар җиренә сәяхәт
28.06.2017
Без, мәктәбебезнең укытучылар коллективы, пенсионер укытучылар, 28 июнь көнне бабаларыбыз яшәгән төбәккә, көчле һәм мәгърур Болгар музей-тыюлыгына экскурсиягә бардык. Рухыбыз үткәннәр белән тоташты. Халкыбыз, динебез һәм телебез турында уйландык. Чал ташлар, хәрабәләрдән торгызылган мәһабәт корылмалар… Әйе, соңгы елларда борынгы Болгар җире яңарыш кичерә. Күп хатирәләрне үзләренә сеңдереп яткан хәрабәләр, халкыбызның үлмәс рухына булган һәйкәлләргә әверелеп яңарып, матураеп торып бастылар. Болгар музей-тыюлыгында кабат торгызылган Ак мәчет, Көньяк мавзолей, Төньяк мавзолей, Кече манара, Ак пулат, Кара пулат, Хан мунчасы, Хан төрбәсе, Кече шәһәрчек, Габдрахман коесы, Рәбига күле янында йөрдек һәм халык хәтерендә сакланган риваятьләрне тыңладык, фоталарга төштек. “Үткәнен белмәгән халыкның киләчәге юк”, – диләр. Дөрес сүзләр. Халык хәтере булып яңарыш кичергән Изге Болгар җире һәркайсыбызга да бик якын, газиз шул. Сәяхәтебездән алган онытмаслык тәэсирләребезне сүзләр белән генә белдереп бетерерлек түгел. Сәяхәт бик матур һәм файдалы булды.
-
Чыгарылыш-2017
26.06.2017
25 июнь. Чыгарылыш кичәсе. Бәйрәмне мәктәп директоры Рәмизә Рәисовна ачып җибәрде, чыгарылыш сыйныф укучыларына иң изге теләкләрен җиткерде, өлгергәнлек турында аттестатлар тапшырды. Чыгарылыш сыйныф укучылары алтау гына булсалар да , уңышлары зур .Дүрт укучы алтын медаль иясе, өч егет ГТО ның алтын значогына ия. Олимпиада, конкурс, бәйгеләрдә җиңүләрен санап бетерергә бүгенге көн генә җитмәс , мөгаен. Чыгарылыш сыйныф укучыларын крестьян- фермер хуҗалыгы җитәкчесе Р.И.Нуриев, Ташкичү җирле үзидарә башлыгы Ф.Х.Файзуллин котлады. Алар үзләренең матур теләкләрен теләделәр, киңәшләрен бирделәр. Укучылар концерт номерлары аша мәктәп дирекциясенә, укытучыларга, хезмәткәрләргә, әти-әниләргә рәхмәт хисләрен белдерде. Директор урынбасарлары, сыйныф житәкчесе , укытучылар , балаларга хәерле юллар теләп, күңел түрендәге олы хисләрен җиткерде. Әти-әниләр шулай ук укытучы-тәрбиячеләргә рәхмәт белдереп, унышлар теләде. Бүген 6 укучыбыз олы тормыш юлына беренче адымнарын ясый. Аларга армый-талмый алга барырга, куйган максатларын тормышка ашырырга язсын дигән изге теләктә калабыз. Кая гына барсагыз да, кем генә булсагыз да, мәктәбебез горурлыклары булып калыгыз. Уңышлар сезгә!