Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ашитбаш, улица Пионерская, дом 34 |
Телефон: | +7(843)-669-02-28 |
E-Mail: | Sab.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ "Ашитбашская СОШ имени Г.Тукая" |
Руководитель: | Кавиева Рамиза Раисовна |
Год основания учреждения: | 2004 |
У нас учатся: | 62 обучающихся \ Бездә укыйлар: 62 укучы |
У нас учат: | 18 учителей \ Бездә укыталар 18 укытучы |
Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе - новости
Страницы: << 181 182 183 184 185 186 ( 187 ) 188 189 190 >>
-
“Исәнме, ямьле җәй”
03.06.2017
Бүген 3 нче июнь көнне кояшлы матур иртәдә балалар лагерьга бик теләп җыелдылар. Алар берсенннән- берсе бик матур итеп киенеп килгәннәр.“Исәнме, ямьле җәй” дигән темага концерт күрсәттеләр. Балалар бик матур итеп җырладылар, биеделәр, шигырьләр сөйләделәр.
Көннең икенче яртысында “Кояшта сак бул!” дигән чарада катнаштылар.. Көнебез бик күңелле үтте
-
Китапханәдә кунакта
02.06.2017
Бүген лагерьда китапханә көне үткәрелде. Балалар авыл китапханәсендә экскурсиядә булдылар. Китапханәче Талия Сабитова “ Балачак бәйрәме” исеме астында кызыклы,мавыктыргыч чара уздырды. Бәйрәм барышында ел дәвамында ин күп китап укыган балаларга грамота һәм истәлекле бүләк тапшырды. Ахырдан балалар китапханәгә кайткан яңа китаплар белән таныштылар.
-
“ Салават күпере” мәктәп яны лагеры эшен башлап җибәрде
01.06.2017
1 нче июнь көнне “ Салават күпере” мәктәп яны лагеры эшен башлап җибәрде. Лагерьга балалар бик теләп, шатланып килделәр. Лагерьның нәкъ менә бүген башлануы юкка гына түгел.Чөнки җәйнең беренче көне – балачак иленең иң матур бәйрәме “ Халыкара балаларны яклау” көне.
Әлеге бәйрәм уңаеннан лагерьда “ Балачакның гүзәл мизгелләре “ дигән темада бәйрәм уздырылды. Балалар җырладылар, биеделәр, “ Әкияти эстафета”да катнаштылар. Көннең икенче яртысында “Бәхетле балачак “темасына рәсем конкурсы уздырылды. Көн бик күңелле узды.
-
Башлангыч сыйныф укучыларының ата-аналар җыелышы булып узды.
01.06.2017
31 нче май көнне башлангыч сыйныф укучыларының ата-аналар җыелышы булып узды. Җыелышта класс җитәкчеләре ата-аналарны уку елы йомгаклары белән таныштырдылар. Укучыларның җәйге ялын файдалы итеп үткәрү , мәктәп яны лагерының эш программасы, көндәлек режимы турында әйтеп кителде. Җәйге каникул чорында үтәлергә тиешле юл йөрү, пожар куркынычсызлыгы кагыйдәләре, су буйларына ялгыз бармау, таныш булмаган кешеләр белән аралашмау, интернетта ярамаган группаларга, сайтларга кермәү турында ата-аналарга кабат аңлатылды һәм кул куйдырылды.
-
7 класс укучыларының класс җыелышы булды
31.05.2017
Бүген 7 класс укучыларының класс җыелышы булды. Җыелышта чирек нәтиҗәләре, укуга караш турында сөйләштек. Каникуллар вакытында үз-үзеңне тоту кагыйдәләрен искә төшердек
-
Акчишмә башлангыч мәктәбендә 1-4 сыйныфларда класс җыелышы үткәрелде.
29.05.2017
29 май көнне Акчишмә башлангыч мәктәбендә 1-4 сыйныфларда класс җыелышы үткәрелде. Класс җитәкчеләре укучыларны чирек нәтиҗәләре белән таныштырдылар, җәйге каникул вакытында үтәлергә тиешле куркынычсызлык кагыйдәләре аңлатылды, махсус җурналга кул куелды.
-
Кырлай музеена сәяхәт
29.05.2017
29 нчы май көнне башлангыч сыйныф укучылары Кырлай музей комплексында сәяхәттә булдылар. Укучылар Кәҗә белән Сарыкка ияреп урманга киттеләр һәм бүреләр янына килеп чыктылар. Шүрәле белән очрашып, аның биремнәрен үтәү дә укучылар өчен бик кызыклы булды. Ә су буенда аларны Су анасы көтеп утыра иде. Укучылар әкият геройлары белән очрашканнан соң музейда Г.Тукайның тормышы һәм иҗат юлы белән тирәнрәк таныштылар, үзләре кызыксынган сорауларга җавап та таптылар.
-
Күңелле сәяхәт
29.05.2017
29 май көнне 5,6 класс укучылары башкалабыз Казанга сәяхәт кылдылар. Алар “FUN 24” күңел ачу үзәгендә рәхәтләнеп ял итеп кайттылар.
- Информация для сдачи Государственной итоговой аттестации в 2017 году 28.05.2017
-
Котлыйбыз!
27.05.2017
27 нче май көнне Казан шәһәренең Пирамида залында республика олимпиадасы җиңүчеләрен , аларның укытучыларын бүләкләү тантанасы узды. Җиңү яулаган укучыларны һәм аларның остазларын ТР мәгариф һәм фән министры Э.Н. Фәттәхов, ТР Дәүләт Советының Мәгариф, мәдәният, фән һәм милли мәсьәләләр комитеты рәисе Р.И. Вәлиев, Дәүләт Советы Рәисе урынбасары Р.А. Ратникова, югары уку йортлары ректорлары һәм башка рәсми затлар котлады. Тантаналы чарада мәктәбебезнең 11 нче сыйныф укучысы Сәлимҗанова Г. һәм татар теле һәм әдәбияты укытучысы Әүхәдиева М.Р. дипломнар белән бүләкләнде.