11 июнь лагерьда – Әкиятләр  көне булды. Бу көнне без төрле-төрле әкиятләр  турында сөйләштек , Әкият китаплары белән таныштык. “Әкияттә кунакта” дигән темага  викторина үткәрдек, пластилиннан төрле әкият геройларын ясадык. Ясаган  поделкалардан күргәзмә оештырдык.   

Бүген көн бик матур  , кояшлы  булды.  Көндәгечә иртәнге линейка,зарядка уздырылды. Иртәнге аштан соң болын буйлап сәяхәткә кузгалдылар. Экскурсиядән кайткач отрядларда   “Театр елы” уңаеннан эңгәмә уздырылды, спектакльләрдән өзекләр күрсәтелде. Төшке аштан соң  балалар өстәл уеннары уйнадылар.

  Мәктәп яны “Салават күпере”  лагерена йөрүче укучыларга ял белән бергә хезмәт тәрбиясе дә бирелә. Балалар лагерьда уздырылган “Хезмәт десанты” операциясендә бик теләп катнашалар. Лагерьда “ Чүп-чар корол”енә каршы  көрәш алып барыла.

     8 июнь лагерьда –Экология  көне булды. Бу көнне без табигатьне саклау, тирә-якны чүп-чардан арындыру  турында сөйләштек . “Җир-суны ничек сакларга?” дигән темага  викторина үткәрдек,  асфальтка рәсем конкурсы үткәрдек

   Лагерьда 7 нче көн “Дуслык” темасы астында узды. Балалар дуслык турында  мәкаль әйтеш уйнадылар, “Дуслык”, “Якын дустым”, “Дус”  җырларын өйрәнделәр. Дуслык турында шигырьләр укыдылар, якын дуслары турында сөйләделәр. Саф һавада хәрәкәтле уеннар уйнадылар. Көн күңелле узды

Көнебез иртәнге зарядка һәм линейка белән башланып китте. Бүгенге көн “Спорт” темасы астында узды. “Спорт – сәламәтлекнең нигезе” темасына әңгәмә, “Минем яраткан спорт төре” темасына сөйләшү балаларга бик тә ошады.  Көндезге аштан соң саф һавада спорт уеннары, хәрәкәтле уеннар уйнадылар. Көндәлек эшкә йомгак ясап, “Көн ничек узды?” почмагын билгеләделәр. 

5 июнь лагерьда –Табигать көне булды. Бу көнне без табигатькә экскурсиягә бардык. Төрле агачларны, үләннәрне, кошларны күзәттек. Табигатьтә төрле хәрәкәтле уеннар  уйнадык. Көн бик күңелле узды.

Кызыклы һәм мавыктыргыч уеннар, походлар, экскурсияләр, җыр – биюләр,спорт ярышлары, төрле бәйгеләр белән лагерның дүртенче  көне узып китте.

Без бүген  Арча шәһәренә экскурсиягә бардык, Арчабызның иң матур урыннарында булдык. Җиңү , Казансу паркларында рәхәтләнеп туйганчы уйнадык, күңел ачтык. Бүгенге көнебез сизелми дә узып китте

Көнебез иртәнге зарядка һәм линейка белән башланды. Иртәнге аштан соң “Отряд көне” башланып китте. Һәр отрядның җырын, девизын, речёвкасын кабатладылар. Вазыйфалар бүлешү булды. “Гөлләрем”  һәм “Сандугач” командалары үзләренең отряд урыннарын ясадылар. Көндезге аштан соң саф һавада спорт уеннары, хәрәкәтле уеннар уйнадылар. Көндәлек эшкә йомгак ясап, “Көн ничек узды?” почмагын билгеләделәр

2 нче июнь- лагерьның икенче көнендә балалар китапханәгә экскурсиягә бардылар. Китапханәче Сабитова Талия апа аларны һәрвакыт якты йөз белән каршы ала, яңа гына кайткан китаплар белән таныштыра, кызыклы китаплар сайларга булыша.Соңыннан шушы укыган китаплар буенча кызыклы викторина үткәрде.  Балаларга китапханәдә бик ошады.