20 нче  июнь лагерьда чәчәкләр көне булды. Бу көнне без төрле чәчәкләрнең исемнәре белән таныштык, Кызыл китапка  кертелгән үсемлекләрне өйрәндек. Аннан соң “Җәйге чәчәкләр”дигән темага рәсем конкурсы үткәрдек. Рәсем конкурсында Солтанов И 1 урын, Шавалиева Р 2 урын, Әсәтова И 3 урын булды. Көннең икенче яртысында саф һавада хәрәкәтле уеннар уйнадык.

Бүген “Салават күпере” мәктәп яны  лагеренда  ГАИ хезмәткәре       белән очрашу уздырылды. Ул балаларга каникул вакытында  юлда йоргәндә сак булырга, юл йөрү кагыйдәләрен төгәл үтәргә, киемнәрдә яктырткычлар булдырырга , машинага утырганда махсус креслога утырырга кирәклеге турында аңлатты. Лагерьга йөрүче балаларга истәлекле бүләкләр тапшырды.Ә балалар бик матур эчтәлекле чара күрсәттеләр.  Безнең белән шундый файдалы  очрашу уздырганнары өчен  ГАИ хезмәткәрләренә  зур рәхмәтебезне белдерәбез.

Бүген – Су көне. “Су, су, тирә-якта-су” темасына әңгәмә узды. Су буйларында үзеңне дөрес тоту кагыйдәләрен искә төшердек. “Нептун” бәйрәмендә балалар бик актив булды, уеннарда теләп катнаштылар. Бәйрәм ахырында “Зәңгәр күл” җырын башкардык. Ашыт елга башына сәяхәт итеп кайттык. Чишмә буенда булдык.  “Ватык телефон” шаян-коммуникатив уены кызыклы булды.  СанПин кагыйдәләренә туры килгән шашка, шахмат, лото, логико өстәл уеннарында  балалар үзләренең зирәклеген күрсәтте. Көн  бик күңелле үтте.

17 июнь лагерьда – Җир  көне булды. Бу көнне без  “Җир-суны саклау һәркемнең  бурычы” дигән темага әңгәмә үткәрдек. Җиребезгә багышланган кроссвордлар, ребуслар чиштек, уеннар уйнадык. Көннең икенче   яртысында “Чисталык җирне саклый” дигән темага экологик акция үткәрдек. 

“Салават күпере” лагере көндәгечә  балаларны кочак җәеп каршы алды.  Иртәнге линейкадан соң балалар зарядка ясадылар. Бүген план буенча уеннар көне иде. Иртәнге аштан соң  “ Мульт викторина”  интеллектуаль уен уздырылды, җырлы – биюле уеннар уйнадылар. Төшке  аштан соң  саф һавада хәрәкәтле  уеннар һәм зиһен сынаш  уеннары уйнадылар. Көн искиткеч матур,кояшлы булды, вакыт сизелми дә үтеп китте.

   Бүген лагерьда “Сәламәтлек” көне. “Сәламәтлеккә юл” кичәсеннән соң, чишмәгә юл алдык. Саф чишмә суының файдасы һәм тәме турында сөйләштек. “Сәламәт буласың килсә – чынык” исеме астында әңгәмә узды. Саф һавада спорт уеннарында балалар бик актив катнашты. Балаларга яңа җыр өйрәнү дә бик ошады.

июнь лагерьда – Театр  көне булды. Бу көнне без Театр елы  турында сөйләштек , төрле театрлар, спектакльләр, артистлар белән таныштык. “Театр яктылыкка, нурга илтә” дигән темага әңгәмә үткәрдек. Соңыннан отрядларга бүленеп үзебез укыган әкиятләрне  сәхнәләштердек.  Бу көнбезгә бик ошады.

   Бүген лагерьда һөнәрләр көне. Татарстанда 2019 ел эшче һөнәрләр елы дип игълан ителде. “Һәр һөнәр дә яхшы, һәр һөнәр дә кирәкле” темасына әңгәмә үткәрелде. Һөнәрләр турында мәкальләр искә төшерелде, табышмакларга җавап табылды, шигырьләр сөйләделәр. “Мин кем булырмын үскәч” темасына рәсем конкурсы оештырылды, нәтиҗә ясап, урыннар билгеләнде. Саф һавада хәрәкәтле уеннар балаларга бик ошады. 

Бүген лагерьда  12 июнь -  Россия көне буларак билгеләп үтелде. Шул уңайдан күп кенә чаралар үткәрелде , әңгәмәләр уздырдык, Россиянең символлары белән таныштык, документаль фильм карадык, “Туган илем – Россия» интеллектуаль уен уйнадык, спорт мәйданчыгында  флешмоб биедек ,хәрәкәтле уеннар уйнадык.. Төшке аштан соң Россия көненә  багышлап рәсемнәр ясадык.