28 апрель көнне Казан шәһәрендәге 20 нче гимназия - “Балалар академиясе” иҗат үзәгендә күренекле татар шагыйре Абдулла Алиш истәлегенә багышланган “Алиш эзләреннән”  төбәкара фәнни-эзләнү укучылар конференциясе булып узды. Әлеге зур күләмле чарада безнең мәктәп укучылары да катнашты. Алар анда уңышлы чыгыш ясап зур җиңү яулап кайттылар. 6 нчы сыйныф укучысы (җитәкчесе Баева Гөлнара Ислам кызы) “Шигърият бакчасында”секциясендә җиңеп 1 нче дәрәҗәдәге диплом һәм күп санлы бүләкләр, үзенең иҗат җимешләре кергән китап җыентыгы белән дә бүләкләнде. “Алиш эзләреннән” секциясендә 8 нче сыйныф укучысы  җитәкчесе Баева Гөлнара Ислам кызы) шулай ук уңышлы чыгышы өчен сертификат белән бүләкләнде. Зур уңышыгыз белән котлыйбыз сезне, укучылар!

“Мәрхәмәтле  эшләр” акциясе дәвамында мәктәбебез укучылары үзләренең гаилә фотосурәтләрен алып килделәр. Алар үз гаиләләрендәге  матур гадәтләр,  милли  йолалар, һәр гаилә әгъзасы   хакында горурланып һәм яратып сөйләделәр, иҗади эшләр башкардылар. 6 нчы сыйныф укучысы  төзегән “ Фотосурәтләрдә гаилә”  исемле  иҗади презентация  моңа дәлил булып тора.

23 нче март көнне татар теле һәм әдәбияты укытучысы Сабирова Т.Г. 5-6 нчы сыйныф укучылары белән "Сөйдергәндә тел, биздергән дә тел" темасына бәйләнешле сөйләм үстерү дәресе уздырды.

22 нче апрель - Георгиевская лента көне. Мәктәбебездә Георгиевская лентага багышланган чара үткәрелде. Чарада укучылар лентаның килеп чыгышы һәм  тарихы белән таныштылар.  Дежур укучылар һәммә кешегә бу лентаны таратып чыктылар. 

Бүген мәктәбебездә "Язгы мәрхәмәтле эшләр" акциясе барышында, 7 нче сыйныф укучылары һәм сыйныф җитәкчесе Баева Гөлнара Ислам кызы җитәкчелегендә "Дуслык" темасына багышланган уен-дәрес үткәрелде.

Мәктәпкүләм линейкада мәрхәмәтле эшләр эстафетасына старт бирелде һәм  укучылар елмаюлы смайликлар белән бүлештеләр.