Бүген бездә Укытучылар көне.

1 нче октябрьдән 5 нче октябрьгә кадәр мәктәптә "Укытучыны котла" акциясе үткәрелде.  Укучылар бик күп откырыткалар ясап яраткан укытучыларын бәйрәм белән котладылар.

Өлкәннәр ункөнлеге уңаеннан пенсия яшендәге укытучылар һәм техник хезмәткәрләргә бәйрәм пакетлары таратылды. Укучылар һәм укытучылар ялзыз яшәүче әби-бабайларның  өйләрендә булды . Аларга хуҗалык эшләрендә ярдәм күрсәтелде.

Район күләмендә "Помоги первокласснику безопасно прийти в школу " конкурсы уздырылды.

23 сентябрь көнне Казанга киткән укучылырыбыз зур җиңү белән кайттылар. Республика буенча үткән хәрбиләштерелгән спорт ярышында мәктәп командасы 2 урын яулады.

Мәктәптә "Туган як серләре" түгәрәге эшли .Түгәрәкне югары категорияле укытучы Хәйруллина Венера Мансур кызы җитәкли. Бу түгәрәктә шөгыльләнүче укучылар уңышлары белән һәрчак сөендереп тора.

23 сентябрь көнне Казанда  "Россия патриотлары тәрбиялибез" дип исемләнгән, мәктәп укучыларын хәрби әзерләүгә багышланган ачык республикакүләм ярышлар була. Бу ярышлар Бөек Җиңүнең 67 еллыгы уңаеннан уздырыла. Республикакүләм ярышта Борнаш урта мәктәбе командасы район данын яклаячак. Команда җитәкчесе ОБЖ һәм физкультура укытучысы А.А.Хайруллин

"Балалар иминлеге  айлыгы " кысаларында 1-8 класс укучылары арасында рәсем конкурсы,   янгын куркынычсызлыгы, травматизмны, террор куркынычын кисәтүгә багышланган тәрбия сәгатьләре, экстрималь хәлләрдә укучыларны мәктәп бинасыннан  эвакуацияләү буенча өйрәнүләр үткәрелә.

Өр-яңа оешкан "Дюнс" бию төркеме (җит. Сафиуллина А.) "Сәләтле бала " район конкурсында 3 урынга лаек  булды

Яз җитү белән мәктәп бакчасы җырчы кошлар тавышы һәм  язның беренче чәчәкләре- лаләргә күмелә.Яшеллеккә төренгән мәктәп бакчасы һәр иртәне үзенең укучыларын әнә шулай каршылый.