Бүген мәктәпкә психология үзәгеннән белгечләр килде.Алар укучылардан анкета сорауларына җавап алдылар.

Укучыларның каникулларын күңелле итү максатыннан район кинотеатрыннан килеп , "Иван Царевич и Серый Волк3" исемле мультфильм күрсәттеләр.Тәм-томнар сату да оештырылды.Укучылар кызыксынып карадылар.

Быел Татарстан мәктәпләрендә укучыларның язгы каникуллары 21 мартта башлана. Укучылар 9 көн – 29 мартка кадәр ял итәчәк. 30 марттан дүртенче чиреккә старт бирелә

Бүген мәктәптә 8,9 сыйныф җитәкчеләре Фатхуллина М. Ф. һәм Насыйбуллина Г. С. җитәкчелегендә "Әни кирәк" дип исемләнгән әдәби-музыкаль кичә булды. Балалар әниләренә багышлап шигырьләр сөйләделәр, матур итеп җыр-биюләр, кызыклы күренешләр башкардылар. Аннан соң әниләр һәм балалар ике командага бүленеп, кызыклы ярышларда катнаштылар, тапкыр сүздә, җыр- биюдә көч сынаштылар. Бергәләп чәй эчү бәйрәмгә тагын да ямь өстәде.

Бүген мәктәптә 8 нче март- Халыкара хатын- кызлар көне уңаеннан Әниләр бәйрәме оештырылды.Бәйрәмне 5 нче сыйныф җитәкчесе Гизатуллина Р.З кызлар ярышы формасында үткәрде.Бәйрәм  чәй табыны артында дәвам итте.

Бүген татар теле һәм әдәбияты укытучыларының "Туган тел- 2016" мастер -класс бәйгесенең  муниципаль туры узды. Безнең мәктәп данын яклап Насыйбуллина Гөлфия Солтан кызы катнашты һәм 2 призлы урынга лаек булды.  Аны әлеге җиңүе белән тәбрик итәбез һәм киләчәктә дә зурдан-зур иҗади уңышлар телибез!

Мәктәбебезнең 8 нче сыйныф укучысы Насыйбуллина Әлфинә Рафис кызы   күренекле мәгърифәтче , галим Ибраһим Хәлфин истәлегенә багышланган XI нче республика фәнни- эзләнү конференциясенең Казан шәһәрендә үткәрелгән  йомгаклау турында катнашты.

27 нче февральдә мәктәбебездә ОГЭ- 2016 га әзерлек буенча 9 нчы сыйныф укучыларының ата- аналары җыелышы булды. Җыелышта ата- аналар һәм укучылар үзләре дә катнашты.  Көн үзәгендәге мәсьәлә- белемнең сыйфатын күтәрү, ОГЭ ны тиешле дәрәҗәдә һәм әзерлектә бирү каралды. Математика һәм рус теле  укытучылары Залялетдинова Д. И. һәм Гизатуллина Л. А. ата- аналарны   математика  һәм рус теленнән проба ОГЭ эшләренең анализы белән таныштырдылар,  уңышлы башкарылган эшләр, җибәрелгән хаталар турында  җентекләп аңлаттылар, ОГЭ га әзерләнгәндә төп игътибар сораучы  биремнәр белән таныштырдылар.

    Бүген  физкультура укытучысы Гизатуллин Р.Ш. җитәкчелегендә Гражданлык-патриотлык айлыгы кысаларында укучыларда физик күнекмәләрне үстерү, патриотик тәрбия бирү максатыннан "Аҗаган"  хәрби-патриотик уены  үткәрелде. Укучылар ике командага бүленеп төрле  сынаулар( граната ыргыту, мина эзләү, флаг эзләү һ.б) үттеләр.

Башлангыч сыйныф җитәкчесе Вәлиева Г.С. "Ягез әле, әтиләр" кичәсе үткәрде.Бәйрәмдә балалар да , әтиләр дә  күңел ачтылар.