Бүген "Белемгә омтылыш- сыйфатлы укытуның төп шарты" дигән баш астында укытучылар  коллективының чираттагы педсовет утырышы булып үтте. Көн тәртибенә  куелган мәсьәләләр: 2 нче чиректә укучыларның өлгереше, тәртибе, дәрескә йөреше йомгаклары, 3 нче чиреккә бурычлар, административ контроль эшләр анализлары каралды. "Төп приоритет - белемнең сыйфаты. Физика дәресләрендә белемнең сыйфатын күтәрү" ( Зайнутдинов Р. С. чыгышы), "Физкультура дәресләрен оештырганда һәм үткәргәндә куркынычсызлык чаралары" ( Гизатуллин Р. Ш. чыгышы), "Биология дәресләрендә укучыларда сәламәтлеккә һәм сәламәт яшәү рәвешенә кыйммәти караш формалаштыру" ( Юсупов Р. К. чыгышы),   дигән темалар буенча фикер алышынды, каникул вакытында ОГЭ га әзерлек консультацияләре графигы , мәктәптә дежур тору графигы расланды һәм башка мөһим мәсьәләләр каралды.

Бүген  29.12.15.мәктәптә укучы балалар арасында хокук бозуларны һәм  җинаятьчелекне кисәтү максатыннан ата-аналар җыелышы үткәрелде.Иске Салман авылы ФАП мөдире Вафина Әлфия Тагировна "Эчкечелекнең зарары" исеме астында лекция укыды.Видеофильм күрсәтелде.

Бөтенроссия  һәм татар теле, рус теле фәннәреннән республика  олимпиадаларының район туры  тәмамланды. Әлеге олимпиадаларда Ахметшина Р. Р.(9 сыйныф), Гизатуллин А. С.(9 сыйныф), Ахметшина Л. Р. (8 сыйныф), Насыбуллина Г. Р.( 8 сыйныф), Халиуллин Р. Р. (4 сыйныф) актив катнаштылар. Татар теленнән призерыбыз 9 сыйныф укучысы  Ахметшина Рәйнәне ( укытучысы Насыбуллина Г. С.) һәм математика фәненнән беренче нәтиҗә күрсәткән 4 нче сыйныф укучысы  Халиуллин Рәефне (укытучысы Вәлиева Г. С.) кайнар котлыйбыз, аларга уңышлар теләп калабыз

Бүген "ОГЭ 2016: әзерлек, проблемалар, чишү юллары" дигән исем астында  чираттагы методик киңәшмәнең киңәйтелгән утырышы булып үтте. Киңәшмәдә ОГЭ 2016 га әзерлекнең торышы турында  фән ияләре чыгыш ясады, завуч караган дәресләргә, үткәрелгән атналыкларга анализ ясалды,  Яңа елга әзерләнү , яңалыклар белән таныштырылды.

ТР Мәгариф һәм Фән министрлыгының 14.12.2015 елдан 2695/15 номерлы күрсәтмәсе нигезендә 2015-2016 нчы уку елының 1 яртыеллыгы өчен  административ контроль эшләр үткәрү башланды. Укучыларыбыз үзләренең белем дәрәҗәләрен сыныйлар. Уңышлар сезгә, укучылар!

РФ Мәгариф һәм Фән министрлыгының 2015 елның 14 сентябреннән 08-1472 номерлы хаты нигезендә, БМОның Генераль Ассамблеясы игълан иткән Халыкара ут һәм ут технологияләре елы уңаеннан 15 нче декбрьдә "Безнең тормышыбызда ут һәм ут технологияләре" дигән исем астында Бөтенроссия тематик дәресе үткәрелде.  Укучылар утның һәм ут технологияләренең кешеләр тормышының сыйфатын күтәрүдә һәм кешелек тормышының тотрыклы үсешендә әһәмиятен белделәр, энергия саклау технологияләренең мөмкинлеге, өстенлеге белән таныштылар, энергиягә һәм табигый ресурсларга сакчыл һәм җаваплы карарга өйрәнднләр. Дәресне уку эшләре буенча директор урынбасары Фәтхуллина М. Ф. үткәрде.

10 нчы декабрьдә Казан шәһәрендә уку эшләре буенча директор урынбасарларының "Белем сыйфаты белән идарә итү: гамәлгә ашыру, проблемалар, перспективалар" дигән исем астында республика Форумы булып үтте.  Форумны ТР Мәгариф һәм Фән министры Э. Н. Фәттахов җитәкләде. Анда белемнең сыйфатын күтәрүгә бәйле прроблемалар күтәрелде,  аларны чишү юллары турында фикер алышынды. "Укыту-методик эшчәнлекне өйрәнү: проблемалар, аларны чишү юллары" (ТР М һ Ф министры урынбасары  Мухаметов И. Р. чыгышы), "Педагогларның профессиональүсеше "(ТР М һ Ф министры урынбасары  Алишев Т. Б. чыгышы), "Республиканың  идарә итүче педагогик кадрларының  һәм педагогларның профессиональ компетенцияләрен үстерү"( ТР ИРО ректоры Хамитов Р. Г. чыгышы), "Замана мәктәбендә педагогларның профессиональ компетенцияләренә яңа таләпләр" ( Казан педагогия көллияте директоры Залялова А. Г. чыгышы), " Белем бирү оешмаларында педагогларга методик ярдәм күрсәтү- белем сыйфатын күтәрүдә мөһим шарт"( "Просвещение" нәшрияты фәнни консультанты Логинова О. Б. чыгышы ) бик мәгълүмати һәм файдалы булды. Форумда мәктәбебезнең уку эшләре буенча директор урынбасары Фатхуллина М. Ф. да катнашты. 

Бүген, ягъни 12.12.15 мәктәптә "Спорт зарарлы гадәтләргә каршы" акциясе кысаларында физкультура укытучысы Гизатуллин Р.Ш. һәм китапханәче Гизатуллина Р.З. күңелле стартлар уены оештырды.Уен үзенчәлекле булды: төрле язучыларның әкиятләрен сәхнәләштерелеп кызлар өчен ярышлар оештырылды.

Бүген мәктәптә  "Спорт зарарлы гадәтләргә каршы" акциясе кысасында  китапханәче Гизатуллина Р.З. "Сәламәтлек-үзебезнең кулда" исеме астында пресс-конференция үткәрде. Әлеге чарага Яңа Салман амбулатория үзәгенән шәфкать туташы Гумерова Л.Р.  да чакырылды. Ул укучыларга сәламәтлекне ныгыту буенча бик файдалы һәм кирәкле киңәшләрен бирде.

Бүген ,9.12.15 авылыбыз китапханәчесе Гарипова Г.С. укучылар белән "Ришвәткә юл юк" исеме астында   класс сәгате үткәрде.Ул уен формасында үтте.