Санкт-Петербург  шәһәренең метросында булган террорлык  вакыйгаларын кисәтү максатыннан  Гизатуллин Р.Ш. мәктәптә эвакуация өйрәтүләре үткәрде.

17.03.17 мәктәптә   чираттагы ата-аналар җыелышы булды.Көн тәртибендә  "Балаларның Интернет челтәрендә куркынычсызлыкларын тәэмит итү" буенча тәрбия эшләре буенча директор урынбасары Хәлиуллина Р.Г. чыгыш ясады.Сыйныф җитәкчеләре ата-аналарны  III  чирек нәтиҗәләре буенча укучыларның  өлгереше һәм тәртибе белән таныштырды.Соңыннан укучыларның ашханәдә туклану мәсьәләсе буенча мәктәп директоры Шарипова Г.С.  чыгыш ясады.

Россия Федерациясе  Мәгариф һәм фән министрлыгы Приказы буенча 2016-2017 уку елында Бөтенроссия тикшерү эшләре 4 нче сыйныфта штатлы режимда, ә 5 нче сыйныфта апробация режимында үткәрелә.  Бу диагностика эшләре укучыларның шәхси үсешен тикшерү өчен үткәрелә, алар дәүләт йомгаклау атестациясе булып саналмый.  ВПР биремнәре федераль дәрәҗәдә әзерләнә.  4,5 сыйныфлар өчен тикшерү эшләре үрнәкләре  "Всероссийские проверочные работы" информацион порталында   бирелгән. 

8-март -Халыкара хатын-кызлар  көне уңаеннан әниләрне бәйрәмгә чакырдык.Укучылар концерт куйдылар,бәйрәм чәй  табыны артында дәвам итте.

Мәктәбебез укучылары "Русский медвежонок" конкурсынды  бик теләп катнаштылар.  Нәтиҗәсен дә бик кызыксынып көттеләр. Менә куптән көтелгән көн килеп җитте. Зиятдинов И. әлеге конкурста җиңүче булды,  ул 1 нче дәрәҗә җинүче грамотасы белән бүләкләнде. 

Бүген мәктәптә  Яшь армиячеләр  арасында "Ягез әле, егетләр!" ярышы булып үтте.Егетләр  төрле  бәйгеләрдә дә үзләренең тапкырлыкларын, җитезлекләрен, кыюлыкларын күрсәттеләр.Бәйрәм  күңелле үтте.

Барыгызны да бәйрәмнәр белән, хөрмәтле ир-егетләр!

21.02.17- китапханәче Гарипова Г.С. "Туган телем-иркә гөлем"    исеме астында   бәйрәм үткәрде. Бәйрәм ике команда арасында ярыш формасында үтте.Ахырда укучылар "Туган тел "җырын бергәләшеп җырладылар.