Бөек Җиңүнең 72 еллыгы уңаеннан авылыбыз уртасында урнашкан Билгесез солдат һәйкәле янында митинг үткәрелде. Укучыларыбыз сугыш һәм тыл ветераннары хөрмәтенә концерт куйдылар,сугышта һәлак булып калган батырларыбызга венок куелды.

ТР Министрлар Кабинеты Карары буенча, Экология елы кысаларында, 2017 елның 29 нчы апрелендә традицион республика табигатьне саклау акциясе үткәрелде.  Мәктәбебез укучылары биология укытучылары Юсупов Р. К.  һәм Шарипова Г. С. җитәкчелегендә мәктәп территориясе һәм туган авылыбыздан чыгучы юл  кырыена нарат һәм тупыл үсентеләре утырттылар. 

Укучыларның иҗади сәләтләрен үстерү, аларны фәнни- тикшеренү эшенә җәлеп итү максатыннан 2017  елның 26 нчы апрелендә Нәби Дәүли исемендәге Базарлы Матак гимназиясендә  укучыларның Нәби Дәүли исемендәге IV Ачык фәнни-тикшеренү конференциясе булып узды. Мәктәбебез укучылары әлеге чарада актив катнашты. Укучыларыбыз  Халиуллина Р. Г. җитәкчелегендә  "Математика һәм информатика"  секциясендә чыгыш ясап 2 нче урынга ,инглиз теле укытучысы Фәтхуллина М. Ф. җитәкчелегендә инглиз теле секциясендә фәнни- тикшеренү эше яклап, 2 нче призлы урынга лаек  булды.  Укучыларыбызны чын күңелдән котлыйбыз һәм аларга киләчәктә дә җиңүләр теләп калабыз! 

Халыкара Җир көне уңаеннан  китапханәче Гарипова Г.С. класстан тыш чара үткәрде. Бу уңайдан 6 нчы сыйныф укучысы Шәрәфетдинова А.И. "Экологик проблемаларны чишүдә математиканың роле" исеме астында проект эше белән чыгыш ясады.Ул бу чыгышы белән Нәби Дәүли исемендәге гимназиядә IV  ачык фәнни-гамәли конференциядә катнашачак.

Бүген мәктәптә "Чисталык үзебездән башлана" исеме астында экология дәресе үтте. Дәрестә  экологик проблемалар, табигатьне ярату һәм аны  саклау   турында  эчтәлекле әңгәмә үткәрелде.

Бүген мәктәптә экология елы  кысаларында үткәрелүче чара буларак,   экологик диктант үткәрелде. Диктантны 16 укучы язды. Алар экология фәне буенча белемнәрен сынадылар, 25 сорау буенча диктантны тырышып яздылар.  Тиздән нәтиҗәләре дә билгеле булачак.  Уңышлар сезгә, укучылар!

Бүген  инглиз телендә мәктәп театр коллективларының  республика  фестиваль- конкурсының муниципаль этабы узды. Безнең мәктәптән  инглиз теле укытучысы Фәтхуллина М. Ф. җитәкчелегендә  5-6 сыйныф укучылары катнашында "True friends" театр коллективы "Кызыл калфак" спектаклен уйнады һәм  призлы 2 нче урынны лаеклы  яулады. Кечкенә артистларыбызны зур  уңышлары белән  кайнар котлыйбыз һәм киләчәктә дә аларга иҗади уңышлар телибез!

Башлангыч  сыйныф укучылары "Олимпис"  предмет конкурсларында даими катнашып киләләр.  Математика, рус теле, тир-юнь, инглиз теле фәннәре буенча кышкы сессиядә катнашып , алар 1,2, 3 урыннар яуладылар һәм дипломнар, сертификатлар белән бүләкләнделәр.

Бүген "Живая классика" конкурсының район туры уздырылды. Безнең мәктәп укучылары да   әлеге конкурста .  катнашты.  

Биология укытучысы Юсупов Р.К.   Кошлар көне бәйрәме үткәрде.Укучылар  КВН да ярышып, үзләренең белемнәре белән көч сынаштылар,рәсемнәр арасында бәйге үткәрелде. Иң күңеллесе :һәр укучы бүләкләнде.