8нче декабрь көнне “Җир” темасы астында узучы метапредмет ункөнлеге кысаларында гимназиянең география укытучысы  Вәгыйзов Л.Ф. 7нче А  сыйныф укучылары белән “Африканың эчке сулары” дигән ачык дәрес күрсәтте. Дәрес структур яктан куелган максатларга туры килерлек итеп, методик яктан дөрес, бай эчтәлекле, ФДББС таләпләренә  тәңгәлләштереп , балаларның яшь үзенчәлекләрен исәпкә алып төзелгән. Дәрес эшлекле атмосферада үтте, укучылар дәрестә бик  актив катнаштылар. Дәреснең беренче этабында ук уңай психологик халәт тудырылды. Укучыларны дәрес темасына алып кереп китү өчен шигырь юллары файдаланылды.

Дәрестә күптөрле эш төрләре, метод һәм алымнар кулланылды: әңгәмә, дәреслек һәм интернет материаллары буенча үзләнү-тикшеренү,. укытучы сүзе; видео язмалар куллану;проблемалы сорауга җавап эзләү, географик карта, атлас, контурлы карталар белән эш, карточкалар буенча үзлектән эш. Дәрес нәтиҗәле узды, балалар тема буенча күп мәгълүмат тупладылар, материалны үзләштерделәр. Гомумән, дәрес югары дәрәҗәдә узды.Дәрескә кергән барлык укытучылар да шундый бәя бирделәр әлеге дәрескә.